ក្រុងប៉ោយប៉េត ៖ ពលករចំណាកស្រុកដែលលួចឆ្លងដែនខុសច្បាប់បំណងទៅរកការងារធ្វើលើទឹកដីថៃ ហើយត្រូវបានភាគីថៃចាប់បញ្ជូនត្រឡប់មកកម្ពុជាវិញ តាមច្រកទ្វារអន្តរជាតិប៉ោយប៉ែត មួយរយៈនេះមានការថយចុះជាងពេលមុនៗ ។
តាមប្រភពពីសមត្ថកិច្ចនៅមាត់ច្រកទ្វារអន្តរជាតិប៉ោយប៉ែត បង្ហើបថា មួយរយៈកន្លងមកនេះ ចំនួនពលករឆ្លងដែនខុសច្បាប់ដែលភាគីថៃចាប់បញ្ជូនត្រឡប់មកកម្ពុជាវិញ តាមច្រកទ្វារអន្តរជាតិប៉ោយប៉ែតប្រគល់ឱ្យសមត្ថកិច្ច ប៉ូលិសអន្តោប្រវេសន៍មានការថយចុះ បើប្រៀបធៀបទៅនឹងពេលមុនៗ។ ប្រភពបានបន្តថា រយៈពេលប្រហែល១ខែចុងក្រោយនេះ ចំនួនពលករដែលភាគីថៃចាប់បញ្ជូនត្រឡប់មកវិញ ក្នុងមួយថ្ងៃៗស្ទើរមិនដល់២០០នាក់នោះទេ ហើយថ្ងៃខ្លះមិនដល់១០០នាក់ ក៏មានដែរ ។ ជាក់ស្តែងសម្រាប់ថ្ងៃទី៣១ សីហា ២០១២ គិតត្រឹមម៉ោង១២ថ្ងៃត្រង់ចំនួនពលករឆ្លងដែនខុសច្បាប់ដែលភាគិថៃចាប់បញ្ជូនត្រឡប់មកឱ្យសមត្ថកិច្ចកម្ពុជាតាមច្រកទ្វារអន្តរជាតិប៉ោយប៉ែត មានត្រឹមតែ១រថយន្ត ឬស្មើនឹងប្រហែល៥០នាក់តែប៉ុណ្ណោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ