ម៉ាស៊ីនឃោសនាក្នុងស្រុករាយការណ៍ថាពួកសកម្មប្រយុទ្ធយ៉ាងតិច១៨ នាក់បានត្រូវស្លាប់កាលពីថ្ងៃទី៣០ សីហា ក្នុងប្រតិបត្តិការមួយរបស់កងកម្លាំងសន្តិសុខប៉ាគីស្ថានក្នុង តំបន់កុលសម្ព័ន្ធបាចាអួរ ភាគពាយ័ព្យប៉ាគីស្ថាន ។កងកម្លាំងសន្តិសុខនិយាយថាមេបញ្ជាការ២នាក់របស់ពួកតាលីបង់ ប៉ាគីស្ថានក៏ត្រូវសម្លាប់ក្នុងប្រតិបត្តិការនោះដែរ ។
ការប៉ះទង្គិចគ្នាទាំងនោះរវាងកងកម្លាំងសន្តិសុខ និងពួកសកម្មប្រយុទ្ធចាប់ផ្តើមរយៈពេល១សប្តាហ៍មកហើយពេលពួកសកម្មប្រយុទ្ធមិនស្គាល់អត្តសញ្ញាណជាច្រើនសិបនាក់មកពីអាហ្វហ្គានីស្ថាន បានវាយប្រហារកងកម្លាំងសន្តិសុខប៉ាគីស្ថាននៅប៉ាចាអួរ។ ប្រជាជនមូលដ្ឋនគូសបញ្ជាក់ថា ការប៉ះទង្គិចគ្នាទាំងនោះបណ្តាលឱ្យភាគីទាំងសងខាងរងការខូចខាតធ្ងន់ធ្ងរដូចគ្នា ។
កងកម្លាំងសន្តិសុខក៏បង្កើនផងដែរនូវប្រតិបត្តិការរុករកនានាក្នុងតំបន់ព្រំដែនបាតវ៉ា កាមលីប៊ីនិងតេនដូដាក់ នៅសាឡាហ្សៃ និងនៅបាចាអួរ ។ ទូរទស្សន៍ក្នុងស្រុកDAWN NEWS រាយការណ៍ថា កងកម្លាំងសន្តិសុខប៉ាគីស្ថានដណ្តើមបានទីតាំងសំខាន់៣ កាន់កាប់ដោយពួកសកម្មប្រយុទ្ធ ហើយកម្ទេចជម្រកលាក់ខ្លួនពួកនេះជាច្រើនសិបកន្លែង៕
ចែករំលែកព័តមាននេះ