រាជធានីភ្នំពេញ ៖ ស្ត្រី២នាក់បានរងរបួសធ្ងន់ និងត្រូវបានគេបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ ខណៈពេលដែលពួកនាងកំពុងដើរឆ្លងផ្លូវដោយមិនដឹងខ្លួន ស្រាប់តែមានរថយន្តមួយគ្រឿងបើកក្នុងល្បឿនយលឿន ទៅបុកម៉ូតូមួយគ្រឿងដែលកំពុងបើកបរស្របទិសគ្នាពីក្រោយធ្វើឱ្យម៉ូតូនោះបានជ្រុលទៅបុកពួកនាងបន្តពេញទំហឹង បណ្តាលឱ្យរងរបួសធ្ងន់បែបនេះតែម្តង ។
ឧប្បត្តិហេតុនោះបានកើតឡើងកាលពីល្ងាចថ្ងៃទី៣០ សីហា ២០១២ នៅលើកំណាត់មហាវិថីសហព័ន្ធរុស្ស៊ី ត្រង់ចំណុចភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ ។ រថយន្តដែលបើកបុកម៉ូតូពីក្រោយនោះមិនត្រូវបានគេស្គាល់ម៉ាកនោះទេ ព្រោះក្រោយពេលបុករួចរថយន្តនោះបានបើករត់គេចទៅបាត់ស្រមោលដោយឡែកម៉ូតូដែលត្រូវរថយន្តនោះបើកបុកម៉ាកឌ្រីមសេ១២៥ ពណ៌ខ្មៅ ។ ក្រោយពេលកើតហេតុអ្នកបើកបរម៉ូតូបានរត់គេចខ្លួនបាត់ទុកម៉ូតូចោល ចំណែកស្ត្រីរងគ្រោះមិនត្រូវបានគេស្គាល់អត្តសញ្ញាណនោះទេ ព្រោះភ្លាមៗពួកនាងនិយាយមិនរួចនោះទេ បន្ទាប់មកត្រូវបានគេបញ្ជូនទៅកាន់មន្ទីរពេទ្យកាល់ម៉ែត ដើម្បីសង្គ្រោះបន្ទាន់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ