រាជធានីភ្នំពេញ ៖ លទ្ធផលប្រឡងសញ្ញាបត្រទុតិយភូមិ ឬបាក់ឌុបសម្រាប់ឆ្នាំ២០១២នេះ បានចេញប្រកាស ហើយនៅវេលាម៉ោង៣រសៀលថ្ងៃទី៣១ សីហា ២០១២ នេះ គឺបិទប្រកាសនៅតាមបន្ទប់នៃមណ្ឌលប្រឡងនីមួយៗ ដែលលទ្ធផលត្រូវបានលោកគ្រូប្រចាំមណ្ឌលធ្លោយឱ្យដឹងថា ក្នុង១បន្ទប់ដែលមានសិស្សចំនួន២៥នាក់ គឺជាប់២២ទៅ២៣នាក់ ហើយបន្ទប់ខ្លះជាប់ទាំងអស់ក៏មាន ។
យោងតាមមន្រ្តីក្រសួងអប់រំ យុវជន និងកីឡា បានឲ្យដឹងថា មានបេក្ខជនជាសិស្សថ្នាក់ទី១២ចំនួន១១៤.៤១៤នាក់ ក្នុងនោះបេក្ខជនជាសិស្សស្រីជិត៥០% បានដាក់ពាក្យចូលរួមប្រឡងយកសញ្ញាបត្រមធ្យមសិក្សាទុតិយភូមិឆ្នាំ២០១១-២០១២នៅទូទាំងប្រទេស។ ចំពោះមណ្ឌលប្រឡងមានចំនួន២៥៤ និងចែកចេញជា៤.៦៦២បន្ទប់។ ដំណើរការប្រឡងលើវិញ្ញាសាសរសេរមានរយៈពេល៣ថ្ងៃ គឺថ្ងៃទី៦ ទី៧ និងទី៨ ខែសីហា ឆ្នាំ២០១២ នៅតាមមណ្ឌលនានាទូទាំងប្រទេស៕
ចែករំលែកព័តមាននេះ