រាជធានីភ្នំពេញ ៖ ក្រុមតារាបង្ហាញម៉ូដដ៏ល្បីល្បាញក្នុងប្រទេសកម្ពុជា Cambodia Super Model បានចូលរួមសម្តែងក្នុងកម្មវិធីតាំងពិព័រណ៍សម្លៀកបំពាក់ និងវាយនភណ្ឌអាស៊ានឆ្នាំ ២០១២ ដែលរៀបចំឡើងនៅក្នុងខេត្តសៀមរាប ចាប់ពីថ្ងៃទី២៩ សីហា ដល់ថ្ងៃទី ១ កញ្ញា ២០១២ ។
ពិធីតាំងពិព័រណ៍នេះត្រូវបានរៀបចំឡើងនៅក្នុងបរិវេណមជ្ឈមណ្ឌលពិព័រណ៍អង្គរកូអិុចអតីតការដ្ឋានពិព័រណ៍អង្គរឃ្យុងយូរ ដោយមានការអញ្ជើញចូលរួមពីសំណាក់លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងពាណិជ្ជកម្ម និងបណ្តារដ្ឋមន្ត្រីក្រសួងពាណិជ្ជកម្មអាស៊ានទាំង១០ប្រទេស ។
កញ្ញា ឌួង ហ្សូរីដា ជាអ្នកដឹកនាំក្រុមបង្ហាញម៉ូដ Cambodia Super Model បានឱ្យដឹងថា នេះជាមោទនភាពមួយក្នុងនាមកញ្ញាជាអ្នកសម្របសម្រួលការបង្ហាញម៉ូដជាលក្ខណៈអាស៊ានដែលជាព្រឹត្តិការណ៍ដំបូង ដែលប្រទេសកម្ពុជាធ្វើជាម្ចាស់ផ្ទះដោយសហការជាមួយក្រសួងពាណិជ្ជកម្មក្នុងកិច្ចប្រជុំបណ្តារដ្ឋមន្ត្រីសេដ្ឋកិច្ចអាស៊ាន ។ កញ្ញាបន្តថា ការបង្ហាញម៉ូដនាពេលនេះ គឺមានការចូលរួមរបស់តារាបង្ហាញម៉ូដកម្ពុជាចំនួន៨៩នាក់ និងមានការចូលរួមពី៤ប្រទេសផ្សេងទៀតដូចជាប្រទេសប្រ៊ុយណេ ម៉ាឡេស៊ី ឡាវ និងប្រទេសថៃ ដែលប្រទេសទាំង៤នាក់នេះបានបញ្ជូនម៉ូដសម្លៀកបំពាក់ប្រចាំប្រទេសរបស់គេមកចូលរួមក្នុងឱកាសនេះដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ