រាជធានីភ្នំពេញ ៖ កម្មកររោងចក្រកាត់ដេរហាយហ្វេសិនប្រហែល៦០នាក់ បានដួលសន្លប់ជាបន្តបន្ទាប់ ដោយសារពុលក្រណាត់ ខណៈកំពុងធ្វើការកាលពីវេលាម៉ោង៣រសៀលថ្ងៃទី៣១ សីហា ២០១២ ដែលរោងចក្រខាងលើមានទីតាំងស្ថិតក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ។
តាមការឱ្យដឹងជំហានដំបូងមកដល់ពេលនេះមានកម្មករប្រហែល៦០នាក់ បានដួលសន្លប់ ហើយត្រូវបានបញ្ជូនទៅសង្គ្រោះនៅគ្លីនិកឯកជនមួយក្នុងសង្កាត់ទឹកថ្លា ។ តាមសម្តីកម្មករឱ្យដឹងថា ការពុលដួលសន្លប់នេះដោយសារធុំថ្នាំបាញ់ក្រណាត់សម្លាប់មេរោគ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ