របាយការណ៍ប្រចាំត្រីមាសថ្មីរបស់ទីភ្នាក់ងារថាមពលបរមាណូអន្តរជាតិគូសបញ្ជាក់កាលពីព្រឹកថ្ងៃទី៣០ សីហា ថា ប្រទេសអីុរ៉ង់បានបង្កើនទ្វេសមត្ថភាពចម្រាញ់អ៊ុយរ៉ានីញ៉ូមនៅឯទីតាំងក្រោមដី FORDOW ក្នុងខែឧសភា ដោយបង្កើនចំនួនឡចម្រាញ់ពី១.០៦៤ដល់ ២.១៤០ ។
ទីភ្នាក់ងារនោះគូសបញ្ជាក់ថា អីុរ៉ង់ត្រៀមបង្កើនការចម្រាញ់អ៊ុយរ៉ានីញ៉ូម ទោះបីជាមានការគាបសង្កត់របស់ពួកលោកខាងលិខនិងការគំរាមកំហែងវាយប្រហារពីសំណាក់អីុស្រាអែលក៏ដោយ ។ក៏ប៉ុន្តែទីភ្នាក់ងារនោះរបស់អ.ស.ប បញ្ជាក់ថា ឡចម្រាញ់ដែលបង្កើនទាំងនេះនៅពុំទាន់ដំណើរការនៅឡើយ ។អីុរ៉ង់ត្រូវបានពួកលោកខាងលិចសង្ស័យថាស្វះស្វែងផលិតអាវុធនុយក្លេអ៊ែរ ក្រោមការបិទបាំងនៃកម្មវិធីនុយក្លេអែ៊រស៊ីវិលដែលការសង្ស័យបែបនេះត្រូវបានអីុរ៉ង់បដិសេធជានិច្ច ។
ក្នុងរបាយការណ៍ប្រចាំត្រីមាសរបស់ខ្លួនទីភ្នាក់ងារថាមពលបរមាណូអន្តរជាតិក៏គូសបញ្ជាក់ផងដែរថាក្រុងតេហរ៉ង់បានផលិតអ៊ុយរ៉ាឌីញ៉ូម មានកម្រិតចម្រាញ់ខ្ពស់បាន១៨៩គីឡូក្រាម ចាប់ពីឆ្នាំ២០១០ មក ។យោងតាមពួកអ្នកការទូតនៅទីក្រុងយែនថា អីុរ៉ង់ក៏អាចដំឡើងឡចម្រាញ់អ៊ុយរ៉ានីញ៉ូមដទៃៗទៀត ហើយអាចលាក់នៅទីតាំងFORDOW ដើម្បីការពារចំពោះរាល់ការវាយប្រហាររបស់តាមអាកាសណាមួយ ។ ទីតាំងនោះកសាងនៅក្រោមភ្នំដើម្បីអាចការពារចំពោះការវាយប្រហាររបស់ពួកសត្រូវហើយនៅទីតាំងនោះអាចមានឡចម្រាញ់ប្រមាជា៥.០០០ ៕
ចែករំលែកព័តមាននេះ