ខេត្ត​ស្ទឹងត្រែង ៖ ពីខេត្តស្ទឹងត្រែងមានសេចក្តីរាយការណ៏មកថា មេធាវី និងជាសមាជិកក្រុមអ្នកច្បាប់ទីស្តីការគណៈរដ្ឋមន្រ្តី លោកស្រីមាស សុខគន្ធ និងស្វាមីឈ្មោះ​គុជ ព្រីសុវណ្ណ ដែលពាក់ព័ន្ធជម្លោះដីធ្លីនៅចំណុចដុងក្រឡ ភូមិគីឡូ៨ សង្កាត់សាមគ្គី ក្រុងស្ទឹងត្រែង ហើយត្រូវបាន​តុលាការខេត្តស្ទឹងត្រែងសម្រេចឃុំខ្លួនបណ្តោះអាសន្នជាង១ខែកន្លងមកនេះ នៅព្រឹកថ្ងៃទី៣០ សីហា ២០១២ សាលាដំបូងខេត្តស្ទឹង ​ត្រែង​ក៏បានសម្រេចដោះលែងឱ្យនៅក្រៅឃុំជាបណ្តោះអាសន្ន ដោយសារសាមីខ្លួនមាន លិខិតធានាជាផ្លូវការនោះរួចមក ។

គួររំលឹកផងដែរថា កម្លាំងកងរាជអាវុធហត្ថខេត្តស្ទឹងត្រែងបានបញ្ចូនលោកស្រីមាស សុខគន្ធ អាយុ៤៣ឆ្នាំ ជាមេធាវី និងស្វាមី ឈ្មោះគុជ ព្រីសុវណ្ណ អាយុ៤០ឆ្នាំ  មានឋានៈវរសេនីយ៍ទោមុខងារនាយការិយាល័យបុគ្គលិក ស្ថិតក្នុងអង្គភាពទីចាត់ការចលន​ូប្បត្ថម្ភនៃ​អគ្គបញ្ជាការ​ដ្ឋានមកកាន់សាលាដំបូងខេត្តស្ទឹងត្រែង កាលពីសៀលថ្ងៃទី១២ កក្កដា ២០១២ និងក្រោយមកត្រូវ បាន​លោក អៀង គឹមថុល ចៅក្រមស៊ើបសួរ​របស់សាលាដំបូងខេត្តស្ទឹងត្រែង សម្រេចឃុំខ្លូនជនសង្ស័យទាំងពីរនាក់ខាងលើនោះ ដោយសារយល់ឃើញថាពីរនាក់នេះ បានរង​ការចោទប្រកាន់តាមមាត្រា៦០៧និងមាត្រា៦០៩នៃក្រមព្រហ្មទណ្ឌជាបទល្មើស​ត្រូវមានទោស។

ព័ត៌​មាន​លំអិត​នឹ​ង​​ផ្សាយជូន​នៅពេល​ក្រោយ ​នៅ​លើ​ទំព័រកាសែតកោះ​​​សន្តិ​​ភាព និង​​នៅ​​តាម​វិទ្យុ​សំឡេង​កោះ​សន្តិ​ភាព FM 87.75 រាជធានី​ភ្នំពេញ, FM 87.5 ខេត្តបាត់ដំបង ៕