អ្នកនាំពាក្យម្នាក់របស់ក្រសួងការពារប្រទេសចិនអះអាងកាលពីថ្ងៃទី៣០ សីហា ថា កងទ័ពចិនបានធ្វើការសាកល្បងមីស៊ីលទាំងឡាយនៅក្នុងដែនដីជាតិ ដែលពុំសំដៅលើប្រទេសណាមួយជាពិសេសឡើយ ។ក្នុងសន្និសីទសារព័ត៌មានមួយអ្នកនាំពាក្យរូបនេះលោកហ្សេង់យ៉ានឆេង ថ្លែងថា នាពេលថ្មីៗនេះ យើងបានធ្វើការសាកល្បងជាធម្មតានូវអាវុធនានាក្នុងដែនដីរបស់យើង ។
ការសាកល្បងទាំងនោះពុំសំដៅលើគោលដៅពិសេសណាមួយឡើយ ហើយក៏ពុំសំដៅលើប្រទេសពិសេសណាមួយដែរ ដែលនោះគ្រាន់ជាការពង្រឹងកម្លាំងកងទ័ពឆ្លើយតបចំពោះសេចក្តីត្រូវការថែរក្សាសន្តិសុខជាតិប៉ុណ្ណោះ ។យោងតាមម៉ាស៊ីនឃោសនាចិននិងបរទេសថា កងកាំភ្លើងធំរបស់កងទ័ពចិនបានបាញ់សាកល្បងប្រកបដោយជោគជ័យនូវមីស៊ីលជាច្រើនក្នុងនោះមានមីស៊ីលបាលីស្ទីក អន្តរទ្វីប ធុន DF-41 ដែរ ។
ម៉ាស៊ីនឃោសនាដទៃទៀតនិយាយថា ការសាកល្បងមីស៊ីលបាលីស្ទីនJL-2 ចេញពីនាវាមុជទឹកមួយត្រូវបរាជ័យ និងថាការអភិវឌ្ឍន៍មីស៊ីលបាលីស្ទីករបស់ចិនមានភាពយឺតយ៉ាវ ។យោងតាមរបាយការណ៍ទាំងឡាយថាមីស៊ីលបាលីស្ទីកចិនដែលបាញ់ចេញពីចិនដីគោក គឺអាចបាញ់ដល់គ្រប់ទីកន្លែងនៃសហរដ្ឋអាមេរិក ហើយអាចចូលក្នុងប្រព័ន្ធការពារប្រឆាំងមីស៊ីល ។
លោកហ្សេង គូសបញ្ជាក់ថា ចិនប្រកាន់នយោបាយការពារជាតិក្នុងលក្ខណៈការពារសុទ្ធសាធ ព្រមទាំងប្រកាន់យកយុទ្ធសាស្ត្រយោធាការពារសកម្ម ៕
ចែករំលែកព័តមាននេះ