យោងតាមមេប៉ូលិសម្នាក់ថា ឧទ្ធម្ភាចក្រ២គ្រឿងរបស់កងទ័ពអាកាសឥណ្ឌា បានបុកគ្នាកាលពីថ្ងៃទី៣០ សីហា នៅជិតភូមិមួយស្ថិតក្នុងរដ្ឋហ្គូចារ៉ាត ភាគនិរតីឥណ្ឌាបណ្តាលឱ្យមនុស្សស្លាប់៦នាក់ ។ មេប៉ូលិសឥណ្ឌាដែលមិនបញ្ចេញឈ្មោះរូបនេះបន្តថា ការបុកគ្នានោះកើតមានពេលកំពុងហោះហើររវាងឧទ្ធម្ភាចក្រ២គ្រឿងធុនMI-17 ដូចគ្នា ។
គ្រោះថ្នាក់នេះកើតមានកាលពីវេលាម៉ោង១២និង៣០នាទីម៉ោងក្នុងស្រុកពីលើតំបន់វាលស្រែមួយជិតស្រុកហ្យាយាមណាហ្ស័រ ។ មនុស្សទាំង៦នាក់ដែលស្ថិតក្នុងឧទ្ធម្ភាចក្រទាំង២គ្រឿងដែលមានអ្នកបើក២នាក់បានត្រូវស្លាប់ក្នុងគ្រោះមហន្តរាយនោះ ។ចំណែកទូរទស្សន៍ក្នុងស្រុកវិញ រាយការណ៍ថា រថយន្តពន្លត់ភ្លើងយ៉ាងតិច៣គ្រឿងបានបញ្ជូនភ្លាមៗទៅកាន់កន្លែងដែលឧទ្ធម្ភាចក្រទាំង២គ្រឿងនោះបុកគ្នាធ្លាក់ ។
អ្នកទទួលខុសត្រូវឥណ្ឌាម្នាក់និយាយថា នៅលើដីពុំមានមនុស្សណាម្នាក់រងគ្រោះថ្នាក់ឡើយ ។ ការសើុបអង្កេតមួយត្រូវបើកធ្វើលើគ្រោះថ្នាក់នេះ ។ ចំណែកកងទ័ពអាកាសឥណ្ឌានៅពុំទាន់អះអាងពីចំនួនអ្នកស្លាប់នៅឡើយ ៕
ចែករំលែកព័តមាននេះ