រាជធានីភ្នំពេញ ៖ លោកទូវដេនដច ចាណាហ្សា ឯកអគ្គរដ្ឋទូតថ្មីរបស់ប្រទេសម៉ុងហ្គោលី បានប្រកាសពីការផ្តល់អាហារូបករណ៍បន្តទៀតដល់និស្សិតកម្ពុជាបានទៅសិក្សានៅប្រទេសម៉ុងហ្គោលី នាឆ្នាំសិក្សាបន្តបន្ទាប់ ។ ការប្រកាសនេះបានធ្វើឡើងកាលពីថ្ងៃទី២៨ សីហា ២០១២ ខណៈដែលលោកឯកអគ្គរដ្ឋទូតថ្មីរបស់ប្រទេសម៉ុងហ្គោលីត្រូវបានតែងតាំងប្រចាំនៅកម្ពុជាក្នុងជំនួបពិភាក្សាការងារ និងសវនការទ្វេភាគីជាមួយសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជានៅវិមានរដ្ឋសភា ។
លោកទូវដេនដច ចាណាហ្សា បានមានប្រសាសន៍បញ្ជាក់ថា រយៈពេលកន្លងមកប្រទេសម៉ុងហ្គោលីបានផ្តល់អាហារូបករណ៍ដល់និស្សិតកម្ពុជាហើយលោកបានជំរុញឱ្យរដ្ឋាភិបាលកម្ពុជាធ្វើយ៉ាងណាផ្តល់អាហារូបករណ៍ឱ្យនិស្សិតកម្ពុជាបានទៅរៀននៅប្រទេសម៉ុងហ្គោលលី ។ តែទោះបី ជាយ៉ាងណាលោកទូវដេនដច ចាណាហ្សា មិនបានបញ្ជាក់ថា មាននិស្សិតចំនួនប៉ុន្មាននាក់ដែលធ្លាប់បានទៅសិក្សានៅប្រទេសម៉ុងហ្គោលី និងនិស្សិតចំនួនប៉ុន្មាននាក់នឹងគ្រោង និងជ្រើសរើសនោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ