ទំនប់នានាដែលកសាងឡើងក្រោយការវាយប្រហារនៃព្យុះកាឌ្រីណា KATRINA អាចទប់ទល់បានប្រឈមមុខនឹងព្យុះឈ្មោះ ISAAC ដែលពេលបោកបក់ដល់ទីក្រុងនោះបានចុះថមថយកម្លាំង មកជាព្យុះត្រូពីកាល់ ។ ពុំមានសេចក្តីរាយការណ៍ពីមនុស្សស្លាប់ឡើយ ទោះបីជាមនុស្សច្រើនពាន់នាក់ ត្រូវជម្លៀសចេញរួចទំហំនៃការខូចខាតខាងសម្ភារនៅពុំទាន់វាយតម្លៃនៅឡើយ។
អាជ្ញាធររដ្ឋល្វីហ្សាណា និងក្រុងញូវអ័រលីន កាលពីថ្ងៃទី៣០ សីហា នៅតែប្រុងប្រយ័ត្ន ចំពោះទឹកជំនន់បណ្តាលមកពីព្យុះ ISAAC ដែលចុះថយកម្លាំងពីព្យុះសង្ឃរាមកជាព្យុះត្រូពីកាល់ នៅបង្កឱ្យមានភ្លៀងធ្លាក់ខ្លាំងប៉ះពាល់ដល់ប្រព័ន្ធទំនប់ការពារក្រុងកសាងឡើងក្រោយគ្រោះមហន្តរាយនៃព្យុះកាឌ្រីណាកាលពី៧ឆ្នាំមុននេះ ។
ប្រជាជនរដ្ឋល្វីហ្សាណាពិសេសក្រុងញូវអ័រលីន នៅតែមានអនុស្សាវរីយ៍ដិតជាប់លើគ្រោះមហន្តរាយនៃព្យុះកាឌ្រីណានោះ ដែលបណ្តាលឱ្យមនុស្សស្លាប់ជាង១៨,០០នាក់ ហើយបង្កការខូចខាតជាច្រើនពាន់លានដុល្លារ ។ អាជ្ញាធរទីនោះព្រមានថា គេពុំត្រូវមើលស្រាល ចំពោះព្យុះថ្មីឡើយ ៕
ចែករំលែកព័តមាននេះ