AFP ផ្សាយឱ្យដឹងថា តំបន់គ្រប់គ្រងស្វយ័តនៃប្រជុំកោះឃុក(Cook Islands) របស់នូវែល សេឡង់ បានប្រកាសបង្កើតតំបន់អភិរក្សផ្នែកសមុទ្រទំហំធំបំផុតនៅលើពិភពលោកក្នុងកិច្ចប្រជុំក្រុមប្រទេសប្រជុំកោះប៉ាស៊ីហ្វិក (PIS) កាលពីថ្ងៃទី២៨ សីហា ដោយមានទំហំធំប្រហែល២ដងនៃប្រទេសបារាំង។
នាយករដ្ឋមន្ត្រីហេនរី ពូណា ឱ្យដឹងថា តំបន់អភិរក្សដែនសមុទ្រថ្មីមានទីធ្លាប្រហែល១,០៦លានគីឡូមែ៉ត្រក្រឡា ។ វាជាតំបន់អភិរក្សក្នុងប្រទេសតែមួយ ដែលមានទំហំធំជាប្រវត្តិសាស្ត្រ ដោយមានការអភិរក្ស និងរៀបចំធនធាននៅក្នុងសមុទ្រ ។
ការការពារមហាសមុទ្រប៉ាស៊ីហ្វិក ដែលជាប្រព័ន្ធទីជម្រកក្នុងដែនសមុទ្រជាចុងក្រោយនៅលើពិភពលោកចាត់ទុកថា ជាតួនាទីដ៏សំខាន់ នៃប្រជុំកោះឃុក ។ ក្រៅពីក្លាយជាកន្លែងសម្រាប់ប្រកបរបរចិញ្ចឹមជីវិតរបស់អ្នកស្រុកនៅប្រជុំកោះឃុក ក៏នៅមានប្រយោជន៍ដល់មនុស្សជាតិទូទៅផងដែរ ។
នាយករដ្ឋមន្ត្រីហេនរី ពូណា បញ្ជាក់ថា «ឧទ្យានសមុទ្រនេះនឹងស្នើឡើងពីនិន្នាការដ៏ចាំបាច់ ក្នុងការអភិវឌ្ឍយ៉ាងយូរអង្វែង ដោយបង្កើតសមតុលរវាងផល ប្រយោជន៍ដល់មនុស្សជាតិទូទៅផងដែរ ។ ឧទ្យានសមុទ្រនេះ នឹងស្នើឡើងពីនិន្នាការដ៏ចាំបាច់ ក្នុងការអភិវឌ្ឍយ៉ាងយូរអង្វែងដោយបង្កើតសមតុលរវាងផលប្រយោជន៍ផ្នែកសេដ្ឋកិច្ច ដូចជាវិស័យទេសចរណ៍ ការនេសាទ និងការស្រាវជ្រាវធនធានធម្មជាតិ នៅក្នុងសមុទ្រដ៏ជ្រៅជាមួយនឹងការអភិរក្សសត្វមានជីវិតក្នុងមហាសមុទ្រ» ។
ទោះបីជាកោះតូចៗទាំង១៥ ដែលសរុបក្លាយជាប្រជុំកោះឃុក និងមានក្រឡាផ្ទៃធំជាងប្រទេសបារាំងក៏ដោយ ប៉ុន្តែផ្ទៃសមុទ្រនៅជុំវិញ បែរជាពោរពេញដោយធនធានធម្មជាតិដ៏មានតម្លៃផ្នែកបរិស្ថានដូចជាប្រជុំផ្កាថ្ម វាលស្មៅសមុទ្រ និងពូជត្រីជាច្រើន ។
ប្រជុំកោះប៉ាស៊ីហ្វិកផ្សេងៗទៀត ដូចជាសាធារណរដ្ឋគិរីបាទី និងតំបន់គ្រប់គ្រងស្វយ័ត តូហ្គេឡាវរបស់នូវែល សេឡង់ ចាប់ផ្តើមប្រកាសជាតំបន់អភិរក្សដែនសមុទ្ររួចហើយ ។ ចំណែកតំបន់ញូវឃែរលីដូនី ដែលជាដែនដីនៅក្នុងសមុទ្ររបស់បារាំង ក៏រៀបចំបង្កើតឧទ្យានសមុទ្រដោយមានទីធ្លាប្រហែល១,៤លានគីឡូម៉ែត្រក្រឡា ក្នុងរយៈពេលពី២ទៅ៣ឆ្នាំខាងមុខ ។
លោកម៉ារ៉េអា ហាតស៊ីយ៉ូឡូស អ្នកជំនាញផ្នែកសមុទ្រ និងតំបន់ឆ្នេររបស់ធនាគារពិភពលោក (WB) បញ្ជាក់ថា គោលគំនិតផ្តួចផ្តើមនៃប្រជុំកោះឃុក ក្រៅពីជួយការពារវត្ថុមានជីវិតជាច្រើនប្រភេទនោះ ក៏ជាទិសដៅស្វែងរកចំណូលដល់ប្រជុំកោះផងដែរ ។
តំបន់អភិរក្សនោះរួមមានទីតាំងចម្បងហាមធ្វើនេសាទ និងទីតាំងពិសេសដែលអនុញ្ញាតឱ្យមានការនេសាទ រួមទាំងបើកជាមណ្ឌលទេសចរណ៍ ក្រោមការថែរក្សាយ៉ាងដិតដល់ ។ វិធានការទាំងនេះនឹងជួយឱ្យសត្វទឹកដែលមានគុណតម្លៃផ្នែកពាណិជ្ជកម្មដូចជាត្រីធូណាអាចបន្តពូជបានជាលក្ខណៈធម្មជាតិ ៕
ចែករំលែកព័តមាននេះ