ខេត្តកំពង់ស្ពឺ ៖ ស្ត្រីម្នាក់ត្រូវបានប្តីវាយរងរបួសធ្ងន់ក្រោយមកបានស្លាប់ បន្ទាប់ពីបញ្ជូនទៅសង្គ្រោះនៅមន្ទីរពេទ្យបានប៉ុន្មានថ្ងៃ។ អំពើហិង្សានេះបានកើតឡើងកាលពីវេលាម៉ោង៤និង៣០នាទីរសៀលថ្ងៃទី២៩ សីហា ២០១២ ខណៈប្តីផឹកស្រវឹងមកដល់ផ្ទះរករឿងវាយដំប្រពន្ធស្ទើររាល់ថ្ងៃ រហូតបណ្តាលឱ្យស្លាប់បាត់បង់ជីវិត និងបានបន្សល់ទុកកូនស្រីម្នាក់អាយុទើបតែ១ខួបប៉ុណ្ណោះឱ្យរស់នៅកំព្រា ។
លោកវរសេនីយ៍ត្រី ហ៊ុន សុភាព នាយរងការិយាល័យព្រហ្មទណ្ឌបច្ចេកទេសខេត្តបានឱ្យដឹងថា ស្ត្រីរងគ្រោះដែលត្រូវប្តីកំណាចទុរយសវាយដំ បណ្តាលឱ្យស្លាប់នោះឈ្មោះឃឹម សុមាលី អាយុ២៧ឆ្នាំ ជាកម្មការិនីកាត់ដេរមានកូនស្រីម្នាក់អាយុទើបបានមួយខួប មានលំនៅភូមិព្នាយ ឃុំព្នាយ ស្រុកសំរោងទង ចំណែកប្តីសាមាន្យ ឈ្មោះពេញ ជឺ អាយុ២៩ឆ្នាំ ។ នៅថ្ងៃកើតហេតុប្តីប្រពន្ធទាំងពីរនាក់នេះបាននៅផ្ទះជុំគ្នា ហើយបុរសជាប្តីផឹកស្រវឹងបានបង្កជម្លោះជាមួយប្រពន្ធ រហូតទាញព្រនង់វាយទៅលើប្រពន្ធ បណ្តាលឱ្យរងរបួសធ្ងន់បន្ទាប់មកស្លាប់តែម្តង រីឯប្តីឫស្យារត់គេចខ្លួនបាត់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ