ខេត្តក្រចេះ ៖ រថយន្តកូរ៉េដឹកដំឡូងមីធុនធំមួយគ្រឿងមានផ្ទុកដំឡូងមីទម្ងន់ជាង១០តោនបានរមៀលខ្លួនធ្លាក់ចូលក្នុងទឹកទន្លេ ខណៈពេលដែលអ្នកបើកស្ទើរភ្លើងបើករថយន្តថយក្រោយមិនប្រយ័ត្ន បណ្តាលឱ្យផ្អៀងសាឡាងប្រះខ្លួនធ្លាក់ចូលទឹកប្រូងខូចខាតទាំងស្រុង។
ហេតុការណ៍នេះបានកើតឡើងកាលពីវេលាម៉ោង១សៀលថ្ងៃទី២៩ សីហា នៅមាត់ច្រាំងកំពង់ចម្លងឆ្លូង-កំពង់គរ ស្ថិតក្នុងស្រុកឆ្លូង ដែលគេស្គាល់ថា រថយន្តខាងលើមានថៅកែឈ្មោះម៉ាត់ ហ៊ីម ជាមន្ត្រីយោធាស្រុកឆ្លូង ។
រថយន្តជួបហេតុការណ៍អាក្រក់នេះម៉ាកហ៊ីយ៉ាន់ដាយ ពណ៌ស ចំណុះ៥តោនបើកដោយបុរសឈ្មោះអុល ណារិន រស់នៅភូមិដីដុះ ឃុំព្រែកប្រសព្វ ស្រុកព្រែកប្រសព្វ និងមានផ្ទុកដំឡូងមីជាង១០តោន ។ តាមប្រភពព័ត៌មានឱ្យដឹងថា រថយន្តមួយគ្រឿងនេះមានផ្ទុកដំឡូងមីងពេញប្រៀប និងបានបើកថយក្រោយឡើងលើសាឡាងដែលកំពុងតែចតនៅមាត់ច្រាំង ដោយអ្នកបើកបរថយមិនចំកណ្តាលសាឡាងជាហេតុបណ្តាលឱ្យផ្អៀងសាឡាង បណ្តាលរថយន្តចុះផឹកទឹកតែម្តង តែមិនបង្កឱ្យនរណាម្នាក់រងរបួសនោះទេ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ