យោងតាមអត្ថបទមួយចេញផ្សាយដោយសារព័ត៌មានកូឡុំប៊ីកាលពីថ្ងៃទី២៩ សីហា ថា កិច្ចព្រមព្រៀងមួយដែលសំដៅបើកការចរចានៅឯបរទេសត្រូវបានចុះហត្ថលេខារវាងរដ្ឋាភិបាលកូឡុំប៊ី និងពួកឧទ្ទាមនៃកងកម្លាំងបដិវត្តន៍កូឡុំប៊ី FARC ជាមួយទិសដៅឱ្យសម្រេចបានបទឈប់បាញ់គ្នាមួយ ។
យោងតាមអត្ថបទលាតត្រដាងដោយអ្នកកាសែតលោកហ្វ្រាន ស៊ីស្កូ សាន់តូស អតីតអនុប្រធានាធិបតីរបស់រដ្ឋាភិបាលលោកអាល់ វ៉ារ៉ូ អ៊ូរីប ធ្វើប្រធានាធិបតីកូឡុំប៊ីឆ្នាំ២០០២ ដល់២០១០ ឱ្យដឹងថា កិច្ចព្រមព្រៀងនោះ គ្រោងឱ្យមានការចរចាដោយផ្ទាល់ និងជាប់ជាប្រចាំសំដៅឱ្យសម្រេចបាននៃកិច្ចព្រមព្រៀងចុងក្រោយមួយ ដើម្បីបញ្ចប់ជម្លោះរយៈពេលជិតកន្លះសត វត្សមកហើយ រវាងរដ្ឋាភិបាល និងពួកឧទ្ទាម ម៉ាក្សនិយម FARC ។
ការចរចា ទាំងនេះ នឹងប្រព្រឹត្តទៅក្នុងដែនដីអព្យាក្រិតមួយជាមួយការជួយជ្រោមជ្រែងរបស់គុយបា និងន័រវ៉ែស ក្នុងឋានៈជាអ្នកធានា ព្រមទាំងវេណេស៊ុយអេឡានិងស៊ីលី ជាអ្នកសម្របសម្រួល ។ពុំទាន់មានការអះអាងជាផ្លូវការណាមួយ ពីរឿងនេះនៅឡើយ ។ ក៏ប៉ុន្តែលោកសាន់តូស ជាបងប្អូនជីដូនមួយរបស់ប្រធានាធិបតី បច្ចុប្បន្ន តែជាអ្នកប្រឆាំងខាងនយោបាយ ធ្លាប់បានអះអាងកាលពីថ្ងៃទី២៧ សីហា ថា ការចរចានោះនឹងបើកធ្វើក្នុងខែតុលាខាងមុនេះ នៅទីក្រុងអូស្លូ ប្រទេសន័រវែស ។
យោងតាមឯកសារចេញផ្សាយកាលពីថ្ងៃទី២៩ សីហា ថា តុចរចាតាំងនៅក្រុងអូស្លូ១ខែ ក្រោយការអះអាងជាផ្លូវការពីកិច្ចព្រមព្រៀងនោះទោះបីជាទីស្នាក់ការសំខាន់នៃការចរចាអាចស្ថិតនៅក្រុងឡាហាវ៉ានក៏ដោយ ។ ចំណុចមួយក្នុងចំណោមចំណុះដែលលើកឡើងក្នុងកិច្ចព្រមព្រៀងនេះផ្តោតលើការបង្កើតបទឈប់បាញ់គ្នាមួយជាមួយការបញ្ឈប់ជាស្ថាពរនូវការប្រទូស្តរ៉ាយគ្នា ៕
ចែករំលែកព័តមាននេះ