អ្នកទទួលខុសត្រូវម្នាក់នៃក្រសួងការពារប្រទេសអាមេរិកអះអាងថា ទាហានអូតង់៣នាក់នៅអាហ្វហ្គានីស្ថានបានត្រូវស្លាប់កាលពីថ្ងៃទី២៩ សីហា ក្នុងខេត្តអូរុសហ្គាន ភាគខាងត្បូងប្រទេស ដោយសារការបាញ់ប្រហាររបស់បុរសម្នាក់ស្លៀកពាក់ឯកសណ្ឋានកងទ័ពអាហ្វហ្គានីស្ថាន ។
អ្នកទទួលខុសត្រូវរូបនោះដែលមិនប្រាប់អត្តសញ្ញាណបញ្ជាក់ថាក្នុងចំណោមទាហានអូតង់ទាំង៣នាក់ដែលស្លាប់នោះ ពុំមែនជាទាហានអាេមរិក ហើយក៏មិនផ្តល់ព័ត៌មានថាតើការវាយប្រហារនេះ កើតមានយ៉ាងម៉េចឡើយ ក្រោយពីករណីបែបនោះកើតមានជាច្រើនតាំងពីដើមឆ្នាំនេះមក ។
សេចក្តីប្រកាសមួយរបស់កងកម្លាំងអន្តរជាតិនៅអាហ្វហ្គានីស្ថានចេញផ្សាយនាថ្ងៃទី៣០ សីហា អះអាងថារឿងនេះបច្ចុប្បន្នកំពុងធ្វើការស៊ើបអង្កេតតែពុំបានផ្តល់ភាពលម្អិតឡើយ ។ ខេត្តអ៊ូ រុសហ្គាន ដែលកើតមានការបាញ់ប្រហារនេះ មានវត្តមានជាពិសេសរបស់ទាហានអូស្ត្រាលីប្រមាណជា១.៥០០នាក់ ។
ជនរងគ្រោះទាំង៣នាក់នោះធ្វើឱ្យចំនួនទាហានបរទេសដែលស្លាប់ដោយសារការបាញ់ប្រហាររបស់ជនអាហ្វហ្គានីស្ថានស្លៀកពាក់ឯកសណ្ឋានយោធា ឬប៉ូលិសអាហ្វហ្គានីស្ថានឡើងដល់១៥នាក់ហើយក្នុងខែសីហានេះ ៕
ចែករំលែកព័តមាននេះ