ពួកអ្នកជួយសង្គ្រោះកូរ៉េខាងត្បូងបានរកឃើញសាកសពមនុស្ស២នាក់ទៀត កាលពីថ្ងៃទី២៩ សីហានៅក្បែរនាវានេសាទចិន២គ្រឿង ដែលលិចធ្វើឱ្យចំនួនអ្នកស្លាប់ ដោយសារព្យុះឈ្នះ BOLAVEN ដ៏ខ្លាំងបំផុតឡើងដល់១៨នាក់ ហើយនៅកូរ៉េខាងត្បូង ។
ព្យុះ BOLAVEN ជាព្យុះខ្លាំងបំផុតនៅកូរ៉េខាងត្បូងពុំធ្លាប់មានចាប់តាំងពី១០ឆ្នាំមកហើយក្រៅពីសម្លាប់មនុស្សជាច្រើននាក់នៅបង្កការខូចខាតសម្ភារយ៉ាងច្រើនក្នុងបណ្តាតំបន់នាភាគនិរតី និងភាគកណ្តាលប្រទេស ។
វាបានបង្កឱ្យលិចនាវានេសាទចិន២គ្រឿងនៅជិតឆ្នេរសមុទ្រនៃកោះ JEJU នាចុងខាងត្បូងកូរ៉េខាងត្បូង ។កាលពីថ្ងៃទី២៩ សីហា សាកសពមនុស្ស៨នាក់ ត្រូវបានរកឃើញ ហើយអ្នកនេសាទចិន៧នាក់នៅតែបាត់ខ្លួន ។ អ្នកមុជទឹកប្រមាណជា១២នាក់កំពុងតែមុជរកពួកគេ ។ អ្នកស្លាប់ឯទៀតៗភាគច្រើនដោយសារការបាក់អគារសង្កត់ ។ ការប្រកាសអាសន្នខ្យល់ព្យុះដែលធ្វើក្នុងផ្នែកដ៏ធំរបស់ប្រទេសត្រូវបានលុបចោលវិញ ។
ការហោះហើររបស់យន្តហោះ និងសេវាកម្មផ្លូវបែកព្រមទាំងសមុទ្រដំណើរការធម្មតាវិញហើយ ចំណែកសាលារៀនទាំងឡាយ ក៏បើកទ្វារវិញដែរ ។ព្យុះនោះបន្ទាប់មកបានបោកបក់កាត់ទន្លេយ៉ាលូ ដែលកំណត់ពីព្រំដែនរវាងចិន និងកូរ៉េខាងជើង ៕
ចែករំលែកព័តមាននេះ