រាជធានីភ្នំពេញ ៖ មនុស្ស២នាក់បានរងរបួសធ្ងន់ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ ខណៈពេលដែលពួកគេជិះម៉ូតូបញ្ច្រាសទិសគ្នា រេចង្កូតជ្រុលទៅបុកគ្នាពេញទំហឹងលាន់សូរដូចរន្ទះ បណ្តាលឱ្យម៉ូតូទាំងពីរគ្រឿងរងការខូចខាតយ៉ាងដំណំដូចគ្នា កាលពីវេលាម៉ោង៦និង៣០នាទីល្ងាចថ្ងៃទី២៩ សីហា ២០១២ នៅលើកំណាត់ផ្លូវជាតិលេខ៤ ត្រង់ចំណុចភូមិផ្សារកំបូល សង្កាត់កំបូល ខណ្ឌពោធិ៍សែនជ័យ ។
ម៉ូតូដែលបើកបុកគ្នានោះ១គ្រឿងម៉ាកឌ្រីមសេ១២៥ ឆ្នាំ២០០៨ ពណ៌ខ្មៅ បើកដោយបុរសមិនស្គាល់ឈ្មោះម្នាក់ ហើយត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត ឯម៉ូតូមួយគ្រឿងទៀតម៉ាកស្គូពីពណ៌ឈាមជ្រូក បើកដោយស្ត្រីម្នាក់មិនស្គាល់ឈ្មោះដូចគ្នា ត្រូវបានគេបញ្ជូនទៅសង្គ្រោះបន្ទាន់នៅគ្លីនិកឯកជនមួយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ