រាជធានីភ្នំពេញ ៖ អាជីវករផ្សារទំនប់ហៅផ្សារងិនអាន ប្រមាណជាង៥០នាក់ ក្នុងចំណោម២០០នាក់ បាននាំគ្នាតវ៉ាលើកបដារូបថតសម្តេចតេជោ និងលោកជំទាវ បន្ទាប់ពីអាជ្ញាធរដឹកនាំដោយលោកព្រះរាជអាជ្ញារង ហៀង សុភ័ក្ត្រ ចុះអនុវត្តសាលដីកាលេខ០៦ របស់សាលាឧទ្ធរណ៍ចុះថ្ងៃទី១៥ សីហា ២០១២ សម្រេចបណ្តេញអាជីវករចេញពីផ្សារ ខណៈចប់អាណត្តិកុងត្រាដើម្បីអភិវឌ្ឍន៍ផ្សារឡើងវិញ នៅខាងមុខផ្សារទំនប់ ស្ថិតក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ កាលពីវេលាម៉ោង៦និង៣០នាទីព្រឹកថ្ងៃទី៣០ សីហា ២០១២ ។
ទោះបីជាបែបណាសាលដីកាពុំបានសម្រេចនោះទេ បន្ទាប់ពីអាជីវករនាំគ្នាតវ៉ាមិនព្រមចេញដោយបានរារាំងអាជ្ញាធរមិនឱ្យចុះទៅបិទផ្សារ និងបានបិទផ្លូវ៥៩៨ និង៣៥៥ តែត្រូវបានសមត្ថកិច្ចធ្វើការសម្របសម្រួល ហើយសមត្ថកិច្ចក៏ បានដកថយក្រោយពីទទួលបញ្ជាពីសាលាក្រុង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ