អ្នកនាំពាក្យរបស់កងនាវាចរណ៍រុស្ស៊ីលោករ៉ូម៉ាន់ម៉ាតូវថ្លែងថា កងឯកភាពមួយនៃកងនាវាចរណ៍ប៉ាស៊ីហ្វិករបស់រុស្ស៊ីត្រៀមបំពេញទស្សនកិច្ចជាផ្លូវការមួយនាថ្ងៃទី២៨ សីហា នៅមូលដ្ឋាននាវាចរណ៍ជប៉ុន ម៉ាអ៊ីហ៊្សូរូ ។អ្នកនាំពាក្យរូបនេះថ្លែងទៅកាន់សារព័ត៌មានថា កងឯកភាពនេះរួមមាននាវាពិឃាត AMIRAL PANTELEIEV និងនាវាចម្បាំងជាច្រើនគ្រឿងទៀតត្រូវទៅឈប់នៅមូលដ្ឋាននាវាចរណ៍ជប៉ុនម៉ាអ៊ីហ៊្សូរូ តាមផ្លូវមកពីមូលដ្ឋានPEARL HARBOR កោះហាវ៉ៃ ។
លោកម៉ាតូវបន្តថា គណៈប្រតិភូរបស់កងនាវាចរណ៍រុស្ស៊ីនេះនឹងជួបជាមួយមេបញ្ជាការមូលដ្ឋានម៉ាអ៊ីហ៊្សូរូព្រមទាំងអភិបាលក្រុងនោះ ។ នាវាចម្បាំងរុស្ស៊ីទាំងនេះនឹងចាកចេញពីម៉ាអ៊ីហ៊្សូរូនាថ្ងៃទី១ កញ្ញាមកកាន់មូលដ្ឋានវ្ល៉ាឌីវូស្តុក របស់ខ្លួន ។ ជាការឆ្លើយតបវិញកងនាវាចម្បាំងជប៉ុននឹងមកបំពេញទស្សនកិច្ចនៅវ្ល៉ាឌីវូស្តុកនាថ្ងៃទី២៣ កញ្ញា ខាងមុខនេះ ហើយនឹងចូលរួមធ្វើសមយុទ្ធជាមួយនឹងកងម៉ារីនរុស្ស៊ី ៕
ចែករំលែកព័តមាននេះ