ខេត្តព្រះវិហារ ៖ សមត្ថកិច្ចប៉ូលិសប្រឆាំងគ្រឿងញៀនខេត្តសហការជាមួយប៉ូលិសស្រុកជាំក្សាន្តបានតាមប្រមាញ់ឃាត់រថយន្តកាមរីមួយគ្រឿង និងបុរស២នាក់ដែលជាមុខសញ្ញាជួញដូរ និងប្រើប្រាស់គ្រឿងញៀនកាលពីវេលាម៉ោង៩និង២០នាទីព្រឹកថ្ងៃទី២៩ សីហា នៅក្នុងលំនៅឋាន ស្ថិតក្នុងភូមិស្រឯម ឃុំស្រឯម ស្រុកជាំក្សាន្ត ។
ជនសង្ស័យទាំងពីរនាក់ម្នាក់ជាអ្នកបើករថយន្តឈ្មោះវ៉ាន់ សំអុល អាយុ៣០ឆ្នាំ ទីលំនៅភូមិពាលញែក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ និងម្នាក់ទៀតឈ្មោះយ៉ែម ឃាង អាយុ៤០ឆ្នាំ ជាមន្ត្រីយោធា។ បុរសទាំង២នាក់ខាងលើត្រូវបានសមត្ថកិច្ចបញ្ជូនទៅកាន់ស្នងការដ្ឋានប៉ូលិសខេត្តរួមនឹងវត្ថុតាងឧបករណ៍ប្រើប្រាស់ និងថ្នាំញៀនប្រភេទម៉ាទឹកកកមួយចំនួនផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ