ADផ្ទាំងផ្សព្វផ្សាយពាណិជ្ជកម្ម

សំណង់អគារស្នាក់នៅរបស់កងអន្តរាគមន៍ដំណើរការបានប្រហែល៣០ភាគរយហើយ

13 ឆ្នាំ មុន

២៩ ខែ សីហា ឆ្នាំ ២០១២ ម៉ោង ០២:២៧

ខេត្តកំពង់ចាម ៖ ក្រោមការយកចិត្តទុកដាក់របស់លោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្តបានកសាងសំណង់អគារបេតុង១ខ្នង មានទំហំ៨គុណ២៥ម៉ែត្រ ប្រក់ក្បឿងសម្រាប់ឱ្យកងអន្តរាគមន៍ស្នាក់នៅ និងទប់ស្កាត់សភាពការណ៍ផ្សេង ជូនដល់ប្រជាពលរដ្ឋ និងសង្គមជាតិ ។ សំណង់អគារនេះសាងសង់បានប្រហែលជា៣០ភាគរយហើយ ជាក់ស្តែងនៅព្រឹកថ្ងៃទី២៩ សីហា ២០១២ ត្រូវបានលោកស្នងការចុះពិនិត្យ អមដំណើរដោយលោកវរសេនីយ៍ឯក ជឹម សេងហុង ស្នងការរងនគរបាលខេត្តទទួលផែនយុត្តិធម៌ លោកវរសេនីយ៍ឯក ហេង សម្បត្តិ ស្នងការរងទទួលផែនសេនាធិការ ព្រមទាំងកម្លាំងក្រោមឱវាទជាច្រើននាក់ទៀត ។

តាមលោកវរសេនីយ៍ត្រី ណា ចេ ប្រធានកងអន្តរាគមន៍ខេត្តបានប្រាប់ឱ្យដឹងថា ដើម្បីធានាសុវត្ថិភាព និងសណ្តាប់ធ្នាប់សង្គមនោះ លោកស្នងការនគរបាលខេត្តតែងឱ្យកម្លាំងអន្តរាគមន៍ខេត្តចេញល្បាតដោយប្រើរថយន្តស៊ីរ៉ែន មានបំពាក់ទៅដោយអាវុធគ្រប់ដៃនៅក្នុងក្រុងកំពង់ចាម តាមគោលដៅសំខាន់ៗនានា គឺ២៤លើ២៤ម៉ោងតែម្តង ។