ព្យុះទីហ្វុងឈ្មោះ BOLAVEN ជាខ្យល់ព្យុះខ្លាំងមួយពុំធ្លាប់មានចាប់តាំងពីច្រើនឆ្នាំមកហើយ នៅកូរ៉េខាងត្បូង បានបោកបក់កាត់ឧបទ្វីបកូរ៉េបណ្តាលឱ្យមនុស្ស២៥នាក់ស្លាប់ និងបាត់ខ្លួន នៅកូរ៉េខាងត្បូង ។ជាព្យុះទី១៥ ប្រចាំឆ្នាំព្យុះ BOLAVEN បានកកើតកាលពីថ្ងៃទី២០ សីហា នៅកន្លែងមួយចម្ងាយ៥៧០គ.ម ពីឆ្នេរសមុទ្រភាគពាយ័ព្យកោះហ្គាម ជាកោះមួយក្នុងមហាសមុទ្រ ប៉ាស៊ីហ្វិក ។
ព្យុះនេះជាព្យុះខ្លាំងបំផុតកាលពីថ្ងៃទី២៦ សីហា កន្លងមកនេះ ជាមួយនឹងកម្លាំងខ្យល់ដល់ទៅ៥៣ម៉ែត្រ ក្នុង១វិនាទី ។ វាបោកបក់ឆ្ពោះទៅកាន់ឧបទ្វីបកូរ៉េ ហើយទោះបីជាចុះថយកម្លាំងបន្តិចក៏ដោយ តែពេលបោកបក់លើកូរ៉េខាងត្បូងនៅមានល្បឿនខ្យល់៤០ម៉ែត្រ ក្នុង១វិនាទីដែរ កាលពីថ្ងៃទី២៨ សីហា ។ នៅលើកោះវ៉ានដូូ ស្ថិតក្នុងខេត្ត JEOLLA ខាងត្បូងព្យុះនេះ មានល្បឿនខ្យល់ដល់ទៅ៥១,៨ម៉ែត្រ ក្នុង១វិនាទីនាវេលាម៉ោង៦ និង១៦នាទីព្រឹកថ្ងៃទី២៨ សីហា ។ នោះជាព្យុះខ្លាំងបំផុតទី៥ ដែលវាយប្រហារលើកូរ៉េខាងត្បូង ។
សាលារៀនភាគច្រើនក្នុងប្រទេសត្រូវបិទទ្វារ កាលពី ថ្ងៃទី២៧ ឬ២៨ សីហា ។ ព្យុះ១ទៀត ឈ្មោះ TEMBIN ដែលបោកបក់តាមផ្លូវរបស់ព្យុះ BOLAVEN ដែរនឹងបោកបក់លើឧបទ្វីបកូរ៉េទៀត ។ ព្យុះនេះជាភាសាជប៉ុនមានន័យថា ជញ្ជីង បោកបក់ឆ្ពោះទៅភាគខាងជើង ហើយស្ថិតនៅចម្ងាយ២៨០គ.មភាគឦសានកោះតៃវ៉ាន់ នាវេលាម៉ោង៣ ។ ព្យុះនេះនឹងមកដល់ឆ្នេរសមុទ្រភាគនិរតីកោះ JEJU កូរ៉េខាងត្បូងនាថ្ងៃទី៣០ សីហា និងតំបន់ក្រុងសេអ៊ូលនាថ្ងៃទី៣១ សីហា ៕
ចែករំលែកព័តមាននេះ