រាជធានីភ្នំពេញ ៖ រថយន្តម៉ាកកូរ៉ូឡាពណ៌ក្រហម មួយគ្រឿងបើកដោយបុរសស្រវឹងម្នាក់ក្នុងល្បឿនលឿនជ្រុលទៅបុកម៉ូតូមួយគ្រឿងពីក្រោយ បណ្តាលឱ្យដួលបោកទៅនឹងថ្នល់រងរបួសស្រាល បន្ទាប់មកអ្នកបើកបររថយន្តនោះបានចុះមករករឿងអ្នកជិះម៉ូតូនោះទៀតផង ។
ឧប្បត្តិហេតុគ្រោះថ្នាក់ចរាចរណ៍នោះបានកើតឡើងកាលពីវេលាម៉ោង១០និង៣៥នាទីយប់ថ្ងៃទី២៨ សីហា ២០១២ នៅលើកំណាត់ផ្លូវលេខ២០០៤ ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។ អ្នកបើកបររថយន្តបង្កហេតុមិនត្រូវបានស្គាល់ឈ្មោះទេ ចំណែកម៉ូតូរងគ្រោះម៉ាកឌ្រីមសេ១២៥ ពណ៌ខ្មៅ បើកដោយបុរសឈ្មោះស៊ិន វាសនា អាយុ២៨ឆ្នាំ ជាជាងជួសជុលរថយន្ត មានទីលំនៅភូមិត្រពាំងសុព័រ សង្កាត់គោករកា ខណ្ឌពោធិ៍សែនជ័យ និងស្នាក់នៅក្នុងយានដ្ឋានភូមិទួលគោក សង្កាត់ទួលសង្កែ ខណ្ឌឫស្សីកែវ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ