យោងតាមការិយាល័យថវិកាសភាអាមរិកបង្ហាញថា ឱនភាពថវិកាអាមេរិកនឹងមានចំនួនលើស១លានលានដុល្លារ ហើយការរឹតបន្តឹងសារពើពន្ឋនៅឆ្នាំក្រោយនឹងបង្កការគំរាមកំហែងដល់សេដ្ឋកិច្ចទាំងមូល ។នៅក្នុងរបាយការណ៍ទស្សនវិស័យនិងថវិកាបានប៉ាន់ប្រមាណថា ឱនភាពថវិកានៅក្នុងឆ្នាំសារពើពន្ឋ២០១២ដែលបញ្ចប់នៅក្នុងខែកញ្ញាខាងមុខ នឹងមានចំនួនសរុប1,1លានលានដុល្លារ។ ការប៉ាន់ស្មាននេះគឺធ្លាក់ចុះពី1,2លានលានដុល្លារដូចដែលបានប៉ាន់ស្មានកាលពីខែមីនា ។
ផលិតផលក្នុងស្រុកសរុបចំនួន7,3% នោះមានន័យថា ឱនភាពថវិកាចំនួន1,1លានលានដុល្លារ គឺជាឱនភាពរយៈពេល៣ត្រីមាសដែលធំជាងឱនភាពកាលពីឆ្នាំ២០០៩ ។ កាលពីឆ្នាំ២០០៩រដ្ឋាភិបាលអាមេរិកបានទទួលអតុល្យភាពសារពើពន្ធចំនួន1,41លានលានដុល្លារ ហើយឱនភាពកង្វះខាតនេះបានធ្លាក់ចុះដល់1,29លានលានដុល្លារនៅក្នុងឆ្នាំ2010។នៅក្នុងឆ្នាំ2011គម្លាតថវិកាមានចំនួន1,3លានលានដុល្លារ។ រដ្ឋាភិបាលអាមេរិកបានចុះបញ្ជីឱនភាពថវិកាចំនួន69,6ពាន់លានដុល្លារនៅក្នុងខែកក្កដា ដោយបានធ្វើឲ្យឱនភាពសរុបសម្រាប់រយៈពេល10ខែដំបូងនៃឆ្នាំសារពើពន្ធឈានដល់973,8ពាន់លានដុល្លារជិតដល់កម្រិត1លានលានដុល្លារ។ ការិយាល័យថវិកាអាមេរិករំពឹងថា ការរើបឡើងវិញនៃសេដ្ឋកិច្ចអាមេរិកនឹងបន្តក្នុងល្បឿនមួយថេរសម្រាប់ឆ្នាំ2012នេះ ។ ពេញ១ឆ្នាំនេះសេដ្ឋកិច្ចអាមេរិក នឹងកើន2,1%ហើយអត្រាអត់ការងារធ្វើ ស្ថិតនៅកម្រិត8,2%នៅដំណាច់ឆ្នាំនេះ ។
របាយការណ៍បានបញ្ជាក់បន្ថែមថា វិថីទៅអនាគតនៃឱនភាព និងបំណុលរបស់អាមេរិកគេនៅមិនទាន់ប្រាកដច្បាស់នៅទ្បើយទេ ព្រោះថាវាផ្អែកទៅលើថាតើសមាជិកសភាដោះស្រាយបញ្ហាពន្ធនិងការសម្រេចលើការចំណាយយ៉ាងណា ។តាមច្បាប់នាពេលបច្ចុប្បន្ន ស្ថានភាពថវិកានឹងផ្លាស់ប្តូរគួរឲ្យកត់សម្គាល់នាឆ្នាំក្រោយព្រោះថាការផ្លាស់ប្តូរជាដំកំភួនចំពោះគោលនយោបាយចំណាយនិងពន្ធត្រូវបានគ្រោងធ្វើឲ្យមានប្រសិទ្ឋភាពនៅក្នុងខែមករាខាងមុខ ។ ហេតុដូច្នេះឱនភាពថវិកានឹងធ្លាក់ចុះដល់641ពាន់លានដុល្លារឬក៏4%នៃផលិតផលក្នុងស្រុកសរុបនាឆ្នាំ2013ខាងមុខ។ យ៉ាងណាក៏ដោយការិយាល័យថវិកាសភាអាមេរិកបានបន្តថា ការធ្លាក់ចុះនៃឱនភាពដែលមានចំនួន487ពាន់លានដុល្លារនឹងមានផលវិបាកផ្នែកសេដ្ឋកិច្ចរយៈពេលខ្លី ។
ការិយាល័យនេះរំពឹងថា ការរឹតបន្តឹងសារពើពន្ធនឹងឈានទៅដល់ការធ្លាក់ចុះសេដ្ឋកិច្ច ពោលគឺ កំណើនផលិតផលក្នុងស្រុកសរុបនឹងធ្លាក់ចុះ0,5%ហើយអត្រាអត់ការងារធ្វើស្ថិតក្នុងកម្រិតលើស9%នាឆ្នាំ2013 ៕
ចែករំលែកព័តមាននេះ