រាជធានីភ្នំពេញ ៖ នាព្រឹកថ្ងៃទី២៨ សីហា ២០១២ លោកកែប ជុតិមា អភិបាលរាជធានីភ្នំពេញ អញ្ជើញចុះទៅពិនិត្យតំបន់ស្ពានស្ទឹងមានជ័យ ដើម្បីរកមើលផលប៉ះពាល់ត្រៀមរៀបចំធ្វើពិធីសែនក្រុងពាលី និងបើកការដ្ឋានសាងសង់ស្ពានអាកាសស្ទឹងមាជ័យ ។
រាជធានីភ្នំពេញ ៖ នាព្រឹកថ្ងៃទី២៨ សីហា ២០១២ លោកកែប ជុតិមា អភិបាលរាជធានីភ្នំពេញ អញ្ជើញចុះទៅពិនិត្យតំបន់ស្ពានស្ទឹងមានជ័យ ដើម្បីរកមើលផលប៉ះពាល់ត្រៀមរៀបចំធ្វើពិធីសែនក្រុងពាលី និងបើកការដ្ឋានសាងសង់ស្ពានអាកាសស្ទឹងមាជ័យ ។
ក្នុងឱកាសចុះពិនិត្យដោយផ្ទាល់នោះលោកកែប ជុតិមា បានណែនាំដល់មន្ត្រីជំនាញក្រោមឱវាទឱ្យមើលថ្ងៃ ខែ ជ្រើសរើសយកថ្ងៃល្អ ដើម្បីបើកការដ្ឋានសាងសង់ស្ពានអាកាសស្ទឹងមានជ័យ ដែលសាលារាជធានីភ្នំពេញ គ្រោងនឹងធ្វើឡើងនាអំឡុងខែកញ្ញា ខាងមុខនេះ។ បើតាមគម្រោងដែលគ្រោងទុកពិធីបើកការដ្ឋានសាងសង់ស្ពានអាកាសស្ទឹងមានជ័យនោះ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងមានការចូលរួមពីមន្ត្រីរាជការ និងប្រជាពលរដ្ឋរាប់ពាន់នាក់ ។
លោកកែប ជុតិមា បានជំរុញឱ្យអាជ្ញាធរដែនដី មន្ត្រីពាក់ព័ន្ធខិតខំដោះស្រាយផលប៉ះពាល់ដែលនៅសេសសល់ឱ្យបានឆាប់រហ័ស ។ ជាមួយគ្នានេះដែរ ចំពោះស្លាកផ្សាយពាណិជ្ជកម្ម ឬប៉ាណូផ្សេងៗ និងប្រព័ន្ធខ្សែកាបទឹកភ្លើងនានាក៏ត្រូវរុះរើចេញឱ្យបានទាន់ពេលវេលាផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ