ខេត្តព្រះវិហារ ៖ នៅស្រុកជ័យសែន ខេត្តព្រះវិហារ បច្ចុប្បន្នគេសង្កេតឃើញមានឈ្មួញម្នាក់ឈ្មោះធួក មានទីលំនៅខេត្តកំពង់ធំ បានមកដាក់ទីតាំងកន្លែងធ្វើសិប្បកម្មកែច្នៃឈើប្រណីតគ្រប់ ប្រភេទដែលជាផល អនុផលព្រៃឈើ ក្នុងតំបន់នោះត្រូវបានរដ្ឋាភិបាលការពារយ៉ាងហ្មត់ចត់បំផុត តែទោះបីជាការការពារពីសំណាក់មន្ត្រីរដ្ឋបាលព្រៃឈើបែបណាក៏ ដោយក៏ឈ្មួញដុះស្លែឈ្មោះធួក នេះ មិនខ្វល់ជាមួយសមត្ថកិច្ចក្នុងការបង្ក្រាបឡើយ ។
ជាក់ ស្តែងតាមការបញ្ជាក់ឱ្យដឹងពីប្រជាពលរដ្ឋរស់នៅក្នុងតំបន់នោះ ថា កន្លងមក សមត្ថកិច្ចបានចុះបង្ក្រាបក្រុមឈ្មួញដែលបានចូលលួចលាក់ក្នុង ការរកស៊ីផល អនុផលព្រៃឈើក្នុងតំបន់នោះដោយខុសច្បាប់ ដែលខ្លះពេលនេះស្ទើរតែគ្មានសល់ខោស្លៀកទេ តែដោយឡែកចំពោះឈ្មួញដុះស្លែឈ្មោះធួក នេះ នៅតែប្រកបរបរនេះយ៉ាងព្រងើយ ។
ថ្មីៗនេះស្ថិតក្នុងរោងសិប្ប កម្មរបស់ខ្លួនក្នុងភូមិធ្មា ឃុំធ្មា ស្រុកជ័យសែន ខណៈឈ្មួញកំពុងតែប្រើកម្មករជាច្រើននាក់ក្នុងសកម្មភាពផលិត គ្រឿងសង្ហារិម ទ្វារ បង្អួច គ្រែប្រអប់ទំនើបៗអំពីឈើប្រណីតរាប់រយសន្លឹកដោយពុំមាន ច្បាប់ទម្លាប់អ្វីនោះ ឈ្មោះធួក ពេលអ្នកសារព័ត៌មានសុំជួបមិនអនុញ្ញាតឱ្យជួបជាដាច់ខាត ដោយនិយាយប្រាប់អ្នកសារព័ត៌មានតាមទូរស័ព្ទថា ខ្លួនមិនខ្លាចផលិតទេ ព្រោះខ្លួនមិនបានទៅកាប់ឈើនៅក្នុងព្រៃទេ ដោយសំអាងថា ខ្លួនទិញឈើពីប្រជាជនក្នុងភូមិ។
ព័ត៌មានលំអិតនឹង ផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ