ខេត្តសៀមរាប ៖ ក្នុងជំនួបសម្តែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅពេលមុនពិធីបើកកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៤៤ ដែលបានប្រព្រឹត្តឡើងនៅសណ្ឋាគារអប្សរាអង្គរ ក្រុងសៀមរាបនាព្រឹកថ្ងៃទី២៧ សីហា ២០១២ លោក PehinDato LimJock រដ្ឋមន្ត្រីទី២ក្រសួងការបរទេសនិងពាណិជ្ជកម្មប្រទេសប្រ៊ុយណេ មានប្រសាសន៍សម្តែងការអបអរសាទរចំពោះកំណើនសេដ្ឋកិច្ចរបស់ប្រទេសកម្ពុជា ពិសេសចូលរួមអបអរសាទរចំពោះជោគជ័យដែលកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ានកាលពីពេលថ្មីៗកន្លងទៅ។
លោករដ្ឋមន្ត្រីមានប្រសាសន៍បន្តថា អាស៊ានមានភ័ព្វសំណាងខ្លាំងណាស់ដែលប្រធានមានលទ្ធភាពដឹកនាំក្នុងវិស័យសេដ្ឋកិច្ច ។
ជាការឆ្លើយតបសម្តេចតេជោ នាយករដ្ឋមន្ត្រីមានប្រសាសន៍សម្តែងនូវការស្វាគមន៍ចំពោះវត្តមាននៃបណ្តារដ្ឋមន្ត្រីសេដ្ឋកិច្ចអាស៊ានទាំងអស់ដែលបានអញ្ជើញចូលរួមក្នុងកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៤៤ នៅព្រះរាជាណាចក្រកម្ពុជា ។ សម្តេចតេជោនាយករដ្ឋមន្ត្រីបានវាយតម្លៃខ្ពស់ចំពោះលោកចម ប្រសិទ្ធ ដែលបានរៀបចំកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៤៤ប្រកបដោយលទ្ធផលដ៏ត្រចះត្រចង់ ។ នៅក្នុងកិច្ចពិភាក្សានោះផងដែរសម្តេចតេជោមានប្រសាសន៍ទៅកាន់រដ្ឋមន្ត្រីសេដ្ឋកិច្ចអាស៊ានទាំងអស់គប្បីពិនិត្យផ្តោតការយកចិត្តទុកដាក់ទៅលើការស្វែងរកកត្តាសំខាន់ៗដែលពាក់ព័ន្ធទៅនឹងបញ្ហាសេដ្ឋកិច្ច ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ