ក្រុងប៉ោយប៉ែត ៖ ជិះម៉ូតូអត់ពាក់មួកសុវត្ថិភាពបើកលឿនគេចប៉ូលិសចរាចរបុកគ្នារបួសធ្ងន់ទាំងសងខាង ដោយហេតុការណ៍នេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី២៨ សីហា ២០១២ នៅលើកំណាត់ផ្លូវជាតិលេខ៥ មុខសណ្ឋាគារលីហេងឆាយ ស្ថិតក្នុងភូមិបាលិលេយ្យ សង្កាត់ប៉ោយប៉ែត ។
សមត្ថកិច្ចប៉ូលិសចរាចរឈរជើងនៅចំណុចកើតហេតុប្រាប់ឱ្យដឹងថា ក្នុងចំណោមជនរងគ្រោះទាំង២នាក់មានម្នាក់ឈ្មោះឈុន បញ្ញា ភេទប្រុស អាយុ១៨ឆ្នាំ រស់នៅក្នុងភូមិកើតហេតុខាងលើបានបើកម៉ូតូពីកើតទៅលិចតាមដងផ្លូវជាតិលេខ៥ ក្នុងល្បឿនលឿន ទើបបុកគ្នាជាមួយនឹងម៉ូតូជនរងគ្រោះម្នាក់ទៀតដែលបត់ចូលផ្លូវកែង បណ្តាលឱ្យរងរបួសធ្ងន់ទាំងសងខាងបែបនេះ ។ សមត្ថកិច្ចបន្តថា ជនរងគ្រោះឈ្មោះឈុន បញ្ញា ភេទប្រុស អាយុ១៨ឆ្នាំ រងរបួសបែកក្បាល និងបាក់.កដៃខាងឆ្វេង ចំណែកជនរងគ្រោះម្នាក់ទៀតមិនទាន់ស្គាល់ឈ្មោះនៅឡើយទេ ដួលបោកក្បាលទៅលើផ្លូវជាតិសន្លប់បាត់ស្មារតីត្រូវបានសមត្ថកិច្ចហៅរថយន្តសង្គ្រោះមកដឹកជនរងគ្រោះទាំង២នាក់យកទៅមន្ទីរពេទ្យបង្អែកក្រុងប៉ោយប៉ែត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ