រាជធានីភ្នំពេញ ៖ កូនប្រុស២នាក់ត្រូវបានឪពុកបង្កើតអារ.កសម្លាប់ ហើយបន្ទាប់មកក៏អារ.កដៃខ្លួនឯងធ្វើអត្តឃាត បណ្តាលឱ្យរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត នៅក្នុងផ្ទះល្វែងមួយតាមបណ្តោយផ្លូវជាតិលេខ៣ ស្ថិតក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ បង្កឱ្យមានការភ្ញាក់ផ្អើល កាលពីវេលាម៉ោង៨និង១០នាទីព្រឹកថ្ងៃទី២៨ សីហា ២០១២ ។
ឪពុកឫស្យាអារ.កសម្លាប់កូននោះឈ្មោះកែវ ឡាដាំង អាយុ៣៨ឆ្នាំ ឋានៈវរសេនីយ៍ត្រី នៅផ្នែករដ្ឋបាលវិស្វកម្ម អគ្គបញ្ជាការកងទ័ពជើងគោក មានទីលំនៅភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ ។ ចំណែកកូនប្រុសរងគ្រោះដែលស្លាប់បាត់បង់ជីវិត ១-ឈ្មោះកែវ សុវណ្ណ អាយុ៧ឆ្នាំ និង២-ឈ្មោះកែវ រ៉ា អាយុ៣ឆ្នាំ ។
ប្រភពព័ត៌មានឱ្យដឹងថា មូលហេតុដែលឪពុកអារ.កសម្លាប់កូននេះដោយសារចាញ់ល្បែង និងប្រពន្ធលែងផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ