រាជាធានីភ្នំពេញ ៖ នៅក្នុងឱកាសនៃការប្រគំតន្ត្រីក្នុងកម្មវិធីតន្ត្រីប្រជាប្រិយខ្មែរនៅស្ថានីយទូរទស្សន៍អាស៊ីអាគ្នេយ៍ កាលពីថ្ងៃទី២៦ សីហា កន្លងមកនេះ ក្រុមហ៊ុនខ្មែរប្រ៊ូវើរីដែលជាក្រុមហ៊ុនផលិតស្រាបៀរកម្ពុជា បានរៀបចំពិធីចាប់ឆ្នោត ដើម្បីផ្តល់រង្វាន់ជូនដល់គូស្វាមីភរិយាចំនួន៥គូដែលបានទិញស្រាបៀរកម្ពុជាយកទៅជប់លៀងនៅក្នុងពិធីមង្គការរបស់ពួកគេ ។ រង្វាន់ទាំងនោះគឺជាដំណើរកម្សាន្តសប្បាយឆ្ពោះទៅកាន់ប្រទេសសិង្ហបុរីរយៈពេល៥ថ្ងៃ៦យប់ និងមានឧបត្ថម្ភជាសាច់ប្រាក់មួយចំនួនទៀតសម្រាប់ដាក់ហោប៉ៅផងដែរ ។
គូស្វាមីភរិយាថ្មីថ្មោងដែលបានឈ្នះរង្វាន់ធ្វើដំណើរកម្សាន្តទៅប្រទេសសិង្ហបុរីតាមរយៈក្រុមហ៊ុនខ្មែរប្រ៊ូវើរីនេះ ក្រុមហ៊ុនបានតម្រូវឱ្យអញ្ជើញទៅទទួលយករង្វាន់នេះនៅស្ថានីយទូរទស្សន៍អាស៊ីអាគ្នេយ៍នៅថ្ងៃទី៨ ខែកញ្ញា ខាងមុខ ដោយត្រូវភ្ជាប់ទៅជាមួយនូវលេខទូរស័ព្ទកន្ទុយឆ្នោត អត្តសញ្ញាណប័ណ្ណ និងរូបថតអាពាហ៍ពិពាហ៍ផងដែរ ដើម្បីបង្កលក្ខណៈងាយស្រួលឱ្យភ្នាក់ងារក្រុមហ៊ុនធ្វើការផ្ទៀងផ្ទាត់ និងសម្រួលកិច្ចការជូន ។
អ្នកដែលត្រូវរង្វាន់ទាំងនោះមានឈ្មោះយិន រដ្ឋា អាសយដ្ឋានភូមិកូនសត្វ ឃុំកូនសត្វ ស្រុកទឹកឈូ ខេត្តកំពត លេខទូរស័ព្ទ ០៩៧ ៣៩ ៦៣ ៥៣៦ ។ ឈ្មោះតេង ស៊ីណេត អាសយដ្ឋានភូមិព្រៃតាមូង ឃុំផ្សារ ស្រុកបរិបូណ៌ ខេត្តកំពង់ឆ្នាំង លេខទូរស័ព្ទ០៨៨ ៧៤ ៧៣ ៧២២ ។ ឈ្មោះយិន ស្រីរ័ត្ន អាសយដ្ឋាននៅខេត្តរតនគិរី លេខទូរស័ព្ទ០៩៧ ៧៩ ៩៨ ១៦៥ ។ ឈ្មោះម៉ន រ៉េន និងសេង ធានី អាសយដ្ឋានលេខst២៦១ លេខទូរស័ព្ទ ០១១ ៥០ ១៧ ៩០ ។ ឈ្មោះសុខ សុផុន អាសយដ្ឋាននៅខេត្តស្វាយរៀង លេខទូរស័ព្ទ០៩៧ ៦៦ ៣៥ ៨១៥ ៕
ចែករំលែកព័តមាននេះ