ខេត្តកំពត ៖ ម៉ូតូសេ១០០កូរ៉េ ពណ៌ក្រហម គ្មានស្លាកលេខមួយគ្រឿង បើកបរលើកំណាត់ផ្លូវជាតិលេខ៣ កំពត-ភ្នំពេញ ជិះគ្នា២នាក់ ក្នុងសភាពស្រវឹងពីត្បូងទៅជើង លុះមកដល់ចំណុចខាងជើងស្ពានព្រះពន្លា ចម្ងាយជាង៤០ម៉ែត្របានវ៉ារថយន្តរបស់អង្គភាពអគ្គិសនីកម្ពុជាខេត្តកំពត ក៏ទៅបុកជាមួយនឹងម៉ូតូវីវ៉ា ពណ៌ខ្មៅ ស៊េរី២០០៦មួយគ្រឿង បើកដោយយុវជនជាសិស្សសាលាជិះគ្នា៣នាក់ ពីជើងទៅត្បូងក្នុងទិសដៅបញ្ច្រាសទិសគ្នាពេញទំហឹង បណ្តាលឱ្យម៉ូតូC ១០០កូរ៉េ ធ្លាក់ចូលស្នាមភ្លោះ ធ្វើឱ្យអ្នកបើកបររងរបួសបែកក្បាល និងអ្នកជិះពីក្រោយរងរបួសស្រាល ចំណែកភាគីខាងម៉ូតូវីវ៉ារងរបួសមធ្យមម្នាក់ និង២នាក់ទៀតរងរបួសស្រាលត្រូវបានសមត្ថកិច្ចចរាចរខេត្តបញ្ជូនទៅសង្គ្រោះ និងព្យាបាលនៅមន្ទីរពេទ្យខេត្តភ្លាមៗផងដែរ ។
ហេតុការណ៍នេះកើតឡើងកាលពីវេលាម៉ោង២ និង៣០នាទីរសៀលថ្ងៃទី២៧ សីហា ២០១២ លើកំណាត់ផ្លូវជាតិខាងលើ ស្ថិតក្នុងភូមិកំពង់ត្រែង ឃុំកំពង់ត្រែង ស្រុកទឹកឈូ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ