ខេត្តស្វាយរៀង ៖ ជនជាតិវៀតណាម៦នាក់បានឆ្លងដែនខុសច្បាប់ ចូលមកកម្ពុជាតាមច្រករបៀប ហើយបានស្ទាក់រថយន្តក្រុងជិះពីក្រុងបាវិត ឆ្ពោះទៅរាជធានីភ្នំពេញ ក្នុងគោលបំណងទៅធ្វើជាកម្មករសំណង់ត្រូវបានសមត្ថកិច្ចនគរបាលអន្តោប្រវេសន៍នៃស្នងការនគរបាលខេត្តឃាត់ខ្លួនកាលពី វេលាម៉ោង១២ថ្ងៃត្រង់ថ្ងៃទី២៧ សីហា ២០១២ ត្រង់ចំណុចភូមិថ្មី សង្កាត់សង្ឃ័រ ក្រុងស្វាយរៀង ។
បន្ទាប់ពីត្រូវសមត្ថកិច្ចនគរបាលអន្តោប្រវេសន៍ឃាត់ខ្លួន ហើយសួរនាំពុំមានលិខិតស្នាមនោះជនជាតិវៀតណាមទាំង៦នាក់ត្រូវបានបញ្ជូនទៅឱ្យប៉ូលិសអន្តោប្រវេសន៍វៀតណាមនៅច្រកទ្វារព្រំដែនអន្តរជាតិបាវិតចាត់ការតាមនីតិវិធី ។ ជនជាតិវៀតណាមឆ្លងដែនខុសច្បាប់នេះមិនស្គាល់អត្តសញ្ញាណឡើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ