ក្រុមអ្នកស្រាវជ្រាវបានរកឃើញថា បណ្តាបុរសដែលហ្វឹកហាត់លើកទម្ងន់ទៀងទាត់អាចកាត់បន្ថយបាននូវអត្រាប្រឈមជំងឺទឹកនោមផ្អែមប្រភេទ២បានដល់ទៅ១/៣ ។លទ្ធផលនៃការសិក្សាដែលបានចុះផ្សាយនៅក្នុងព្រឹត្តិប័ត្រ Archieves of Internal Medical បានពិសោធលើបុរសជាង ៣២.០០០នាក់ដោយចំណាយពេលអស់១៨ឆ្នាំ ។
ក្រុមអ្នកស្រាវជ្រាវបានរកឃើញថា បណ្តាបុរសដែលហ្វឹកហាត់លើកទម្ងន់ទៀងទាត់អាចកាត់បន្ថយបាននូវអត្រាប្រឈមជំងឺទឹកនោមផ្អែមប្រភេទ២បានដល់ទៅ១/៣ ។លទ្ធផលនៃការសិក្សាដែលបានចុះផ្សាយនៅក្នុងព្រឹត្តិប័ត្រ Archieves of Internal Medical បានពិសោធលើបុរសជាង ៣២.០០០នាក់ដោយចំណាយពេលអស់១៨ឆ្នាំ ។
ក្រុមអ្នកស្រាវជ្រាវមកពីមហាវិទ្យាល័យវេជ្ជសាស្ត្រនៃសាកលវិទ្យាល័យហាវើដសហរដ្ឋអាមេរិកនិងសាកលវិទ្យាល័យ Southern Denmarkប្រទេសដាណឺម៉ាកអះអាងថា ហាត់ប្រាណលើកទម្ងន់ឱ្យបាន៣០នាទីក្នុងមួយថ្ងៃនិង៥ដងក្នុងមួយសប្តាហ៍ អាចកាត់បន្ថយការកើតជំងឺទឹកនោមផ្អែមបាន៣៤ភាគរយ ប៉ុន្តែបើហាត់តិចតួច តែទៀតទាត់ត្រឹម១ម៉ោងក្នុងមួយសប្តាហ៍ គឺនៅតែទទួលអត្ថប្រយោជន៍ដោយអាចកាត់បន្ថយបាននូវអត្រាប្រឈម១២ភាគរយ ។
យ៉ាងណាក៏ដោយ ការហាត់ប្រាណអ៊ែរ៉ូប៊ិក(Aerobic)ត្រូវអ្នកវិទ្យាសាស្រ្តបញ្ជាក់ថា ល្អជាងការហាត់ប្រាណលើកទម្ងន់បន្តិចដោយវាអាចកាត់បន្ថយការប្រឈមបានដល់ទៅពាក់កណ្តាល ។ បើបូកការហាត់ប្រាណទាំងពីរប្រភេទនេះបញ្ចូលគ្នា ឃើញថា អត្ថប្រយោជន៍បានកើនឡើងគួរឱ្យកត់សម្គាល់ ។ អ្នកដឹកនាំការស្រាវជ្រាវ Anders Grontvedបាននិយាយថា ៖«មនុស្សជាច្រើនជួបបញ្ហាលំបាកលើការហាត់ប្រាណអ៊ែរ៉ូប៊ិក ។ ដោយឡែក លទ្ធផលថ្មីលើកនេះបង្ហាញថា ការហ្វឹកហាត់លើកទម្ងន់អាចជំនួសគ្នាបាន »។ មិនទាន់ច្បាស់ទេដែលថា ការហាត់ប្រាណខាងលើនេះផ្តល់ផលប្រយោជន៍ដល់ស្ត្រី ឬយ៉ាងណានោះ ៕
ចែករំលែកព័តមាននេះ