ខេត្តក្រចេះ ៖ លោកចិន ហុងស្រ៊ី អាយុជាង៦០ឆ្នាំ អតីតនាយករដ្ឋបាលសាលាខេត្ត និងជាតំណាងក្រុមហ៊ុនវិនិយោគដីសម្បទានស៊ី អាយ វី ត្រូវបានកម្លាំងនគរបាលចាប់ឃាត់ខ្លួនក្នុងរឿងវិវាទដីធ្លីរបស់ក្រុមហ៊ុនវិនិយោគឯកជនមួយនេះ ជាមួយនឹងប្រជាពលរដ្ឋក្នុងឃុំ២ធ្នូ និងឃុំស្រែចារ ស្រុកស្នួល ។
ការចាប់ខ្លួនអតីតនាយករដ្ឋបាលសាលាខេត្តរូបនេះ បានធ្វើឡើងកាលពីវេលាម៉ោង៤ទៀបភ្លឺ ថ្ងៃទី២៦ សីហា ២០១២ ក្នុងលំនៅឋានមួយកន្លែងក្នុងឃុំពង្រ ស្រុកឆ្លូង ខណៈដែលបុរសរូបនេះបានរត់ទៅសំងំលាក់ខ្លួនគេចពីសមត្ថកិច្ច ។តាមប្រភពព័ត៌មានបាននិយាយថា ការចាប់ខ្លួនអតីតនាយករដ្ឋបាលសាលាខេត្ត ធ្វើឡើងបន្ទាប់ពីបុរសរូបនេះ ដែលជាតំណាងក្រុមហ៊ុនវិនិយោគដីសម្បទានស៊ីអាយវី (C.I.V) ដែលបានវិនិយោគនៅក្នុងដីសម្បទានស្រុកស្នួល លើផ្ទៃដី១ពាន់ហិកតា និងបានវាស់វែងកាត់ជូនប្រជាពលរដ្ឋនៅក្នុងឃុំស្រែចារ និងឃុំ២ធ្នូ ដោយនៅសេសសល់តែជាង១០០ហិកតាតែប៉ុណ្ណោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ