ទីភ្នាក់ងារព័ត៌មានឥណ្ឌា IANS រាយការណ៍ថា ប្រទេសឥណ្ឌាកាលពីថ្ងៃទី២៥ សីហា បានបាញ់សាកល្បងប្រកបដោយជោគជ័យនូវមីស៊ីល មានសមត្ថភាពនុយក្លេអ៊ែរឈ្មោះ PRITHVI-2 ចេញពីមូលដ្ឋានយោធាមួយនៃរដ្ឋអូឌីសាភាគខាងកើតឥណ្ឌា ។
លោកប្រាសាដនាយកនៃមូលដ្ឋានបាញ់បង្ហោះដកស្រង់សម្តីដោយទីភ្នាក់ងារព័ត៌មាននោះអះអាងថា ការបាញ់សាកល្បងមីស៊ីលដី-ដីនេះបាញ់បានចម្ងាយ៣៥០គីឡូម៉ែត្រប្រព្រឹត្តទៅដោយជោគជ័យ១០០% ។
មីស៊ីលPRITHVI ជាមីស៊ីលបាលីស្ទីកដំបូងគេផលិតដោយឥណ្ឌា ។ មីស៊ីលនេះជាមីស៊ីល១ប្រភេទក្នុងចំណោមមីស៊ីល ដែលផលិតក្នុងក្របខណ្ឌនៃកម្មវិធីអភិវឌ្ឍន៍ មីស៊ីលទូរបញ្ជារបស់ឥណ្ឌា ៕
ចែករំលែកព័តមាននេះ