ខេត្តស្វាយរៀង ៖ រថយន្តធុនយក្សដឹកទំនិញសំពីងសំពោងកម្ពស់ជិត៤ម៉ែត្រធ្វើចរាចរណ៍ពីក្រុងបាវិត ទៅភ្នំពេញ ដោយសុវត្ថិភាពគ្មានសមត្ថកិច្ចណាម្នាក់យកភ្នែកមើល ឬអើពើសោះ ហើយប្រសិនបើបណ្តែតបណ្តោយតែរបៀបនេះទៀតផ្លូវជាតិលេខ១ ពិតជាជួសជុលរហូតមិនអាចជួសជុលរួចនោះឡើយ ។
ទាក់ទិនករណីខាងលើសមត្ថកិច្ច ប៉ូលិសចរាចរខេត្តបានប្រាប់កោះសន្តិភាពថា សមត្ថកិច្ចបានបង្ក្រាប និងចាប់ផាកពិន័យដល់ម្ចាស់យានយន្តទាំងអស់នេះហើយក៏ប៉ុន្តែពួកគេនៅតែមិនរាងចាល ។ លោកបន្តទៀតថា បើតាមរបាយការណ៍ការងាររយៈពេល៩ខែឆ្នាំ២០១២នេះសមត្ថកិច្ចបានបង្កើតក្រុមចម្រុះថ្នាក់ខេត្ត ត្រួតពិនិត្យយានយន្តដឹកជញ្ជូននៅគោលដៅដើមទី ត្រួតពិនិត្យការបើកបរក្រោមឥទ្ធិពលនៃជាតិស្រវឹង ការមិនពាក់មួកការពារសុវត្ថិភាព ពេលថ្ងៃ យប់ជាប្រចាំ និងបានចុះធ្វើការត្រួតពិនិត្យយានដ្ឋានជួសជុលដំឡើងយានយន្តចំនួន៤០១កន្លែងក្នុងខេត្តដោយរកឃើញ៣៣៥កន្លែងគ្មានច្បាប់អនុញ្ញាតទៀតផង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ