រាជធានីភ្នំពេញ ៖ គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (ខុមហ្វ្រែល) បានឱ្យដឹងថា អង្គការ (ខុមហ្វ្រែល) គ្រោងនឹងបញ្ចូលក្រុមអ្នកសង្កេតការណ៍របស់ខ្លួនរយៈពេលវែង និងរយៈពេលខ្លីសរុបប្រមាណ៦.០០០នាក់ ដើម្បីធ្វើការសង្កេតទៅលើដំណើរការចុះ ឈ្មោះ ពិនិត្យបញ្ជីឈ្មោះបោះឆ្នោត ធ្វើសវនកម្មបញ្ជីឈ្មោះបោះឆ្នោតឆ្នាំ២០១២ និងការបោះឆ្នោតជាតិអាណត្តិទី៥ ដែលនឹងប្រព្រឹត្តទៅនៅថ្ងៃទី២៨ កក្កដា ២០១៣ ។
បុគ្គលិកអង្គការខុមហ្វ្រែល បានអះអាងថា អង្គការខុមហ្វ្រែលបានគ្រោងបញ្ជូនអ្នកសង្កេតការណ៍រយៈពេលវែងរបស់ខ្លួនចំនួន២៥០នាក់ សម្រាប់ការចុះឈ្មោះបោះឆ្នោត ពិនិត្យបញ្ជីឈ្មោះបោះឆ្នោតឆ្នាំ២០១២ និងតាមដានដំណើរការបោះឆ្នោតឆ្នាំ២០១៣ ។ ចំណែកអ្នកសង្កេតការណ៍ចំនួន៥.៧៥០នាក់ទៀតនឹងត្រូវបញ្ជីចេញសម្រាប់សង្កេតការណ៍រយៈពេលខ្លីលើសកម្មភាពចុះឈ្មោះបោះឆ្នោតថ្មី និងការពិនិត្យបញ្ជីឈ្មោះអ្នកបោះឆ្នោត២០១២ ដែលនឹងចាប់ផ្តើមថ្ងៃទី១ កញ្ញា ឆ្នាំ២០១២ ដល់ថ្ងៃទី១២ តុលា ឆ្នាំ២០១២ ខាងមុខ ។
ខុមហ្វ្រែល នឹងធ្វើរបាយការណ៍រៀងរាល់ថ្ងៃស្តីពិភាពមិនប្រក្រតី និងស្ថានភាពនានាជុំវិញការចុះឈ្មោះ និងបញ្ជីឈ្មោះបោះឆ្នោតតាមរយៈវែបសាយ និងប្រព័ន្ធផ្សព្វផ្សាយសង្គម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ