អាជ្ញាធរមូលដ្ឋានរាយការណ៍ថា អ្នកទេសចរ៦នាក់ស្លាប់កាលពីវេលាថ្ងៃត្រង់ថ្ងៃទី២៥ សីហា ហើយអ្នកទេសចរ៣០នាក់ទៀតត្រូវបានជម្លៀសចេញ ក្រោយទឹកជំនន់ភ្លាមៗដែលជន់លិចជ្រលងភ្នំមួយនៅតំបន់ស្វយ័ត ហ្វីខេត្តនិញសៀ ភាគនិរតីប្រទេសចិន ។
មជ្ឈមណ្ឌលត្រួតពិនិត្យទឹកជំនន់និងតស៊ូប្រឆាំងគ្រោះរាំងស្ងួតតំបន់ ក្នុងសេចក្តីប្រកាសមួយបញ្ជាក់ កាលពីថ្ងៃទី២៥ សីហា ថាវេលាម៉ោង១២ ទឹកជំនន់ភ្លាមៗបណ្តាលមកពីភ្លៀងធ្លាក់នៅក្នុងតំបន់ស្វយ័តម៉ុងហ្គោលីក្នុងបានជន់លិចជ្រលងភ្នំលីក នៃភ្នំហ៊ឺឡាន ។
អ្នកទេសចរ៩នាក់ត្រូវទឹកហូរនាំយកទៅពេលពួកគេទៅកម្សាន្តលេងនៅតំបន់ទឹកធ្លាក់មួយនៅជ្រលងភ្នំ នេះ។ អ្នកទេសចរ៦នាក់ក្នុងចំណោមអ្នកទេសចរទាំង៩នាក់ដែលទឹកនាំយកទៅត្រូវបានរកឃើញស្លាប់ ហើយ៣នាក់ទៀតត្រូវរបួសបញ្ជូនមកមន្ទីរពេទ្យ ។ អ្នកទេសចរយ៉ាងតិច៣០នាក់ត្រូវបានជម្លៀសចេញពីតំបន់នោះ ហើយនាំទៅកាន់កន្លែងមានសន្តិសុខ ។ អ្នកជួយសង្គ្រោះប្រមាណជា១០០នាក់ បានធ្វើប្រតិបត្តិការនៅទីនោះដើម្បីជួយជម្លៀសមនុស្សចេញនិងតាមរកអ្នកស្លាប់ព្រមទាំងអ្នករបួស ៕
ចែករំលែកព័តមាននេះ