ជនសង្ស័យចូលរួមក្នុងអំពើឧក្រិដ្ឋដ៏សាហាវ នានាប្រឆាំងបណ្តាជនជាតិចិននៅអង់ហ្គោឡា សរុប៣៧នាក់ ត្រូវបានធ្វើបត្យាប័នបញ្ជូនមកដល់ប្រទេសចិន កាលពីថ្ងៃទី២៥ សីហា ក្រោមការនាំខ្លួនរបស់ប៉ូលិសចិន ។ពួកអ្នកទាំងនេះ ត្រូវបានបញ្ជូនតាមយន្តហោះមកដល់ទីក្រុងប៉េកាំង កាលពីថ្ងៃទី២៥ សីហា ។ សុទ្ធតែជនជាតិចិនជាប់សង្ស័យពីបទចាប់ពង្រត់ ចាប់រំលោភ រត់ពន្ធមនុស្សនិងធ្វើសញ្ចារកម្ម ។ នេះបើយោងតាមសេចក្តីប្រកាសមួយរបស់ក្រសួងសន្តិសុខសាធារណៈចិន ។
ប៉ូលិសចិនបានបញ្ជូនក្រុមពិសេសមួយទៅកាន់អង់ហ្គោឡា ដែលបាន ធ្វើសហប្រតិបត្តិការជាមួយប៉ូលិសមូលដ្ឋានកម្ទេចអង្គការឧក្រិដ្ឋ១២ក្រុម ដោះស្រាយបណ្តឹងចំនួន៤៨ករណី ហើយជួយសង្គ្រោះជនរងគ្រោះចិន១៤នាក់ ។ ជនជាតិ ដែលត្រូវជួយសង្គ្រោះទាំងនេះ ក៏បានវិលត្រឡប់មកចិនវិញតាមជើងយន្តហោះជាមួយគ្នានោះដែរ ។
នេះជាលើកទីមួយហើយ ដែលប៉ូលិសចិនបានធ្វើសកម្មភាពដោយទ្រង់ទ្រាយធំមួយប្រឆាំងពួកឧក្រិដ្ឋជនសំដៅលើជនជាតិចិននៅអាហ្វ្រិក ដែលនោះបង្ហាញពីកិច្ចសហប្រតិបត្តិការជាមួយប៉ូលិសអាហ្វ្រិក ៕
ចែករំលែកព័តមាននេះ