ខេត្តកំពង់ចាម ៖ ដោយសារតែដង្ខៅឡូត៍នេសាទ បានដាក់របាំងព្រួលឫស្សីញឹកចាប់យកត្រី សូម្បីតែកូនត្រីតូចៗ ទើបនឹងញាស់ក៏គេចមិនផុតដែរ ព្រមទាំងបានធ្វើបាបប្រជាពលរដ្ឋផងនោះ ហើយបើទោះបីជាមានចំណូលប្រាក់រាប់លានដុល្លារយ៉ាងណាក្តីពីឡូត៍នេសាទក៏ដោយ គឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានកាត់ឡូត៍នេសាទទាំងអស់ក្នុងប្រទេសឱ្យមកប្រជាពលរដ្ឋវិញ ដែលនេះជាការយកចិត្តទុកដាក់ខ្ពស់របស់រាជរដ្ឋាភិបាល ធ្វើយ៉ាងណា ដើម្បីឱ្យប្រជាពលរដ្ឋបានសុខសប្បាយ។ នេះជាប្រសាសន៍របស់លោកស៊ាង ប៊ុនលាង ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន និងជាទីប្រឹក្សាក្រសួងមហាផ្ទៃបានថ្លែងនៅក្នុងពិធីសម្ពោធអគារបឋមសិក្សារកាធំ ឃុំជីរោទិ៍ទី១ ស្រុកត្បូងឃ្មុំ កាលពីព្រឹកថ្ងៃទី២៥ សីហា ២០១២ ។
ពិធីនេះមានការអញ្ជើញចូលរួមពីលោកជំទាវ ហ៊ុន ប៊ុនធឿន ទីប្រឹក្សាក្រសួងការបរទេស និងសហប្រតិបត្តិការអន្តរជាតិ លោកជំទាវ ម៉ាន់ ម៉ារ៉ា អនុរដ្ឋលេខាធិការក្រសួងអភិវឌ្ឍន៍ជនបទ លោកម៉េង សួន តំណាងលោកហ៊ុន ណេង អភិបាលខេត្ត លោកស្រី កីកូ មីហ្សុនុម៉ា លោកម៉ូតូ ណាស៊ីអូកា ជាម្ចាស់អំណោយ ព្រមទាំងក្រុុមនិស្សិតជប៉ុន សិស្សានុសិស្ស លោកគ្រូ-អ្នកគ្រូ ប្រជាពលរដ្ឋចូលរួមយ៉ាងច្រើនកុះករផងដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ