អនុប្រធានាធិបតីវេណេសុយអេឡា លោកអេលីយ៉ាស់ ចាអ៊ូអា រាយការណ៍កាលពីថ្ងៃទី២៥ សីហា ថា តុល្យការនៃការផ្ទុះឆេះយ៉ាងសាហាវក្នុងរោងចក្រចម្រាញ់ប្រេងកាតធំជាងគេបំផុតរបស់ប្រទេសអ្នកស្លាប់ឡើងដល់២៦នាក់ ។ លោកបញ្ជាក់ថា ជនរងគ្រោះភាគច្រើនជាសមាជិកកងឆ្មាំជាតិដែលការពារទីតាំងរោងចក្រចម្រាញ់ប្រេងកាតនោះ ស្ថិតនៅទីក្រុងអាមូអៃ ក្នុងឧបទ្វីប ប៉ារ៉ាហ្គាណា ភាគខាងលិចវេណេសុយអេឡា ។
បណ្តាអ្នកទទួលខុសត្រូវមូលដ្ឋានមុននេះ និយាយថា ក្នុងចំណោមជនរងគ្រោះមានកុមារម្នាក់អាយុ១០ឆ្នាំ ។ មនុស្សប្រមាណជា៥០នាក់ ត្រូវរបួសក្នុងការផ្ទុះឆេះដំបូងចេញពីបំពង់បង្ហូរឧស្ម័នក្នុងរោងចក្រនេះ ដែលកើតមានកាលពីព្រឹកព្រលឹមថ្ងៃទី២៥ សីហា ។ ការផ្ទុះឆេះនេះ ក៏បំផ្លាញផ្ទះ និងហាងទំនិញជាច្រើន ស្ថិតនៅក្បែររោងចក្រហើយញ៉ាំងឱ្យរោងចក្របញ្ឈប់ផលិតកម្ម ។ យោងតាមរដ្ឋមន្ត្រីថាមពលលោករ៉ាហ្វា អែល រ៉ាមីរ៉េស ថា ការធ្លាយឧស្ម័នជាប្រភពនៃការផ្ទុះឆេះនេះ ៕
ចែករំលែកព័តមាននេះ