ត្រីឆ្លាមត្រូវហែលទៅមុខរហូតដើម្បីរស់នៅ ។ មនុស្សយើងចាំបាច់ត្រូវធ្វើដំណើរទៅមុខ ដើម្បីឆ្ពោះទៅរកគោលបំណងរបស់យើងដើម្បីរស់នៅ ។ អ្នកមិនចាំបាច់ធ្វើអ្វីគ្រប់យ៉ាងក្នុងមួយ ថ្ងៃនោះទេ ប៉ុន្តែអ្នកត្រូវធ្វើអ្វីម្យ៉ាងជារៀងរាល់ថ្ងៃ ។
ការងាររបស់លោកម៉ៃឃើល ហ្វ្រេងគ្លីន (Michael Franklin)គឺធ្វើយ៉ាងណាដើម្បីធានាថាអ្វីគ្រប់យ៉ាងដែលអ្នកបានទិញនឹងត្រូវបានដឹងជញ្ជូនទៅដល់ផ្ទះអតិថិជនទាន់ពេល ។ គាត់គឺជាអនុប្រធានក្រុមហ៊ុនសេវាកម្មដឹកជញ្ជូនដ៏ធំមួយនៅអាមេរិក ។
នៅពេលដែលក្រុមហ៊ុនបានជួលក្រុមផ្តល់ប្រឹក្សាដើម្បីធ្វើការប៉ាន់ស្មានពីស្ថានភាពនៅកន្លែងធ្វើការ និងជំនាញដឹកនាំរបស់ផ្នែកប្រតិបត្តិការ មានមនុស្សជាច្រើនដែលមានមន្ទិលសង្ស័យឬមិនយល់ស្របនឹងមតិផ្តល់ប្រឹក្សា។ ប៉ុន្តែចំពោះលោកម៉ៃឃើលវិញ គាត់ចាត់ទុកវាថាគឺជាឱកាសមួយ៖ «ខ្ញុំបានឆ្លងកាត់ចំណុចដែលយល់ថា អាចខ្មាសគេហើយ ។ ប្រសិនបើមានអ្វីដែលពួកគេអាចបង្ហាញឬបង្រៀនខ្ញុំដែលនឹងធ្វើឱ្យខ្ញុំក្លាយជាអ្នកគ្រប់គ្រងល្អជាងមុនឬបង្កើនចំណេះដឹងរបស់ខ្ញុំនោះគឺខ្ញុំចង់ដឹងពីវា» ។
ការពណ៌នាដែលរួមបញ្ចូលគ្នាពីអ្នកផ្តល់ប្រឹក្សាទាំងអស់បានកត់សម្គាល់ពីភាពវិជ្ជមាននៃកម្លាំងនិងការខិតខំប្រឹងប្រែងរបស់គាត់ ប៉ុន្តែណែនាំថា គាត់អាចពង្រឹងសមត្ថភាពក្នុងការធ្វើទំនាក់ទំនងរបស់គាត់ហើយនិងទាក់ទងទៅនឹងបុគ្គលិករបស់គាត់ ។លោកម៉ៃឃើល បានយករបាយការណ៍នោះហើយក៏ចាប់ផ្តើមធ្វើកាលវិភាគការប្រជុំជាមួយនឹងថ្នាក់លើនិងបុគ្គលិកថ្នាក់ក្រោមរបស់គាត់នៅក្នុងក្រុមហ៊ុន ។
គាត់និយាយថា«ខ្ញុំគឺជាមនុស្សដែលផ្តោតលើគម្រោង ដូច្នេះហើយខ្ញុំបានកត់ត្រានូវអ្វីដែលពួកគេត្រូវនិយាយ ហើយខ្ញុំនឹងព្យាយាមយកវាមកប្រើ ។ ខ្ញុំគិតថា វាបានធ្វើឱ្យខ្ញុំធ្វើការងាររបស់ខ្ញុំបានកាន់តែល្អប្រសើររួចទៅហើយ» ៕
ចែករំលែកព័តមាននេះ