យោងតាមប៉ូលិសមូលដ្ឋានថា មនុស្ស៣នាក់បានត្រូវស្លាប់ ហើយ៥នាក់ទៀតត្រូវរបួសក្រោយការបាក់ស្ពានមួយដែលកើតមានកាលពីថ្ងៃទី២៤ សីហា នៅទីក្រុងហាប៊ីន ទីប្រជុំជនខេត្តហៃឡុងយ៉ាង ភាគឥសាន ប្រទេសចិន ។ស្ពានយ៉ាងមិញតាន់ឆ្លងកាត់ទន្លេសុងហួនៅក្រុងហាប៊ីនបានបាក់កាលពីថ្ងៃទី២៤ សីហា វេលាម៉ោង៥ និង៣០នាទីព្រឹក ខណៈរថយន្តកាំមីញ៉ុង៤គ្រឿងកំពុងរត់លើស្ពាននោះ ហើយរថយន្តកាំមីញ៉ុង១គ្រឿងក្រឡាប់ធ្លាក់ពេលបាក់ស្ពាន។
ស្ពាននោះមានបណ្តោយប្រវែង១៥,៤គីឡូម៉ែត្របានបើកឱ្យប្រើប្រាស់កាលពីខែវិច្ឆិកា ឆ្នាំ២០១១ ។ ការសើុបអង្កេតមួយត្រូវបានបើកធ្វើរកមូលហេតុនៃគ្រោះថ្នាក់នេះ ៕
ចែករំលែកព័តមាននេះ