ខេត្តកំពង់ឆ្នាំង ៖ រថយន្តធុនធ្ងន់ដឹកជីមួយគ្រឿងបានធ្លាក់ចេញពីផ្លូវចុះទៅប្រះខ្លួនដេកក្នុងប្រឡាយទឹក កាលពីវេលម៉ោង១១និង៥០នាទីយប់ថ្ងៃទី២៣ សីហា នៅតាមបណ្តោយផ្លូវជាតិលេខ៥ ត្រង់ចំណុចភូមិថ្មី ឃុំជ្រៃបាក់ ស្រុករលាប្អៀរ ខណៈដែលអ្នកបើកបរងោកមួយភាំង តែទោះយ៉ាងណាមិនមានអ្នករងរបួសក្នុងហេតុការណ៍នេះទេ ។
តាមមន្ត្រីប៉ូលិសដែលបានចុះទៅពិនិត្យដល់កន្លែងកើតហេតុបាននិយាយថា រថយន្តដែលក្រឡាប់ធ្លាក់ប្រឡាយនោះម៉ាកហ៊្វុយហ្សូ ដឹកជីចេញពីភ្នំពេញឆ្ពោះទៅខេត្តបន្ទាយមានជ័យ ប៉ុន្តែពេលមកដល់ចំណុចកើតហេតុក៏ស្រាប់តែរេចង្កូតចេញពីផ្លូវទៅខាងស្តាំដៃបណ្តាលឱ្យក្រឡាប់ធ្លាក់ចូលក្នុងប្រឡាយតែម្តង ។ តាមការពិនិត្យរបស់ប៉ូលិសសន្និដ្ឋានថា ករណីនេះអាចដោយសារអ្នកបើកបរងោកមួយភាំងទើបបណ្តាលឱ្យធ្លាក់ចេញពីថ្នល់បែបនេះ ប៉ុន្តែសំណាងល្អមិនមានអ្នករងគ្រោះថ្នាក់ក្នុងហេតុការណ៍នោះទេ ។
ក្រោយពេលកើតហេតុម្ចាស់រថយន្តបានហៅរថយន្តស្ទូចមកស្ទូចដាក់លើផ្លូវរួចបន្តដំណើរទៅមុខបាត់ ៕
ចែករំលែកព័តមាននេះ