នាយសេនាធិការកងកម្លាំងស្វ័យការពារ ជប៉ុនលោកស៊ីហ្សឺរូ អីុវ៉ាសាគី កាលពីថ្ងៃទី២៣ សីហា បានទៅកាន់មន្ទីរប៉ង់តាហ្គោន ដើម្បីពិភាក្សាជាមួយសមភាគីអាេមរិក លោក MARTIN DEMPSEY បីបញ្ហាសន្តិសុខក្នុងតំបន់អាស៊ីប៉ាស៊ីហ្វិក ហើយពង្រឹងសម្ព័ន្ធភាពរវាងកងទ័ពទាំង២ ក្រោយការកើនឡើងនៃភាពតានតឹងក្នុងសមុទ្រចិនខាងកើត ។
យោងតាមសេចក្តីប្រកាសជាផ្លូវការមួយថា លោក DEMPSEY និងលោកអីុវ៉ាសាគី បានអះអាងជាថ្មីពីសារសំខាន់នៃសម្ព័ន្ធភាពរវាងអាេមរិក និងជប៉ុនចំពោះសន្តិសុខរបស់ប្រទេសទាំង២ ព្រមទាំងដើម្បីសន្តិភាព ស្ថិរភាព និងភាពរុងរឿងនៃសេដ្ឋកិច្ចតំបន់អាស៊ីប៉ាស៊ីហ្វិក ។នាពេលថ្មីៗនេះ ភាពតានតឹងមានការកើនឡើងរវាងចិន និងជប៉ុន លើរឿងប្រជុំកោះ DIAOYU ជប៉ុនហៅប្រជុំកោះសេន កាគូ ហើយកងទ័ពជប៉ុន និងកងម៉ារីនអាមេរិកមានវត្តមានរួមគ្នានៅភាគខាងលិច នៃមហាសមុទ្រប៉ាស៊ីហ្វិក ដើម្បីធ្វើសមយុទ្ធយោធារួមរយៈពេល១ខែមួយ ។
ក្នុងសន្និសីទសារព័ត៌មានលោក DEMPSEY ថ្លែងថា លោកបានពិភាក្សា ពីសមយុទ្ធនោះជាមួយលោកអ៊ីវ៉ា សាគី ដោយអះអាងថា កិច្ចសហប្រតិបត្តិការរវាងប្រទេស ទាំង២ ពុំមែនកម្រិតត្រឹមតែវិស័យសមុទ្រមួយនោះឡើយ ៕
ចែករំលែកព័តមាននេះ