បុរសម្នាក់ខាំពស់វែកដំបូកបណ្តាលឱ្យងាប់ ព្រោះខឹងពស់ពិសនោះលោតខាំជើងរបស់ខ្លួន ។យោងតាមកាសែតប្រចាំថ្ងៃ អាន់ណាពូរ៉ាណា ប៉ុស្តិ៍ របស់នេប៉ាល់បញ្ជាក់ថា លោកម៉ូហាម៉េដ សាលម៉ូ មីយ៉ា ជនជាតិនេប៉ាល់ អាយុ៥៥ឆ្នាំ បានដេញចាប់ពស់វែកដំបូកមួយក្បាល ក្រោយពីវាលោតបុកជើងរបស់លោកពេលកំពុងដើរនៅវាលស្រែ ក្នុងភូមិមួយឆ្ងាយពីទីក្រុងកាត់ម៉ាន់ឌូ នៅភាគខាងកើតឆៀងខាងត្បូងប្រហែល២០០គីឡូម៉ែត្រ កាលពីថ្ងៃទី២១ សីហា ។ ពេលដេញចាប់ពស់នោះបានហើយ លោកមីយ៉ា ក៏ខាំវារហូតដល់ងាប់ ។
លោកមីយ៉ា បញ្ជាក់ថា «ខ្ញុំគួរតែសម្លាប់វាដោយការចាក់ ឬវាយនឹងឈើ ប៉ុន្តែខ្ញុំក៏សម្រេចចិត្តប្រើធ្មេញជំនួស ព្រោះវាធ្វើឱ្យខ្ញុំខឹង»។
លោក នីរ៉ាច សាហ៊ី សមត្ថកិច្ចប៉ូលិសនៅក្នុងតំបន់ ឱ្យដឹងថា លោកមីយ៉ា ត្រូវបញ្ជូនទៅព្យាបាលនៅមណ្ឌលសុខភាពក្នុងភូមិ ព្រោះរងរបួស តែមិនធ្ងន់ទេ ។ លោកមិនជាប់ចោទពីបទសម្លាប់ពស់វែកដំបូកដែលស្ថិតនៅក្នុងអម្បូរពស់ជិតផុតពូជតាមច្បាប់របស់នេប៉ាល់ទេ ៕
ចែករំលែកព័តមាននេះ