ខេត្តកំពត ៖ បុរសម្នាក់ជានិស្សិតដែលរៀនសូត្រចេះដឹងដែរ តែបែរជាគិតខ្លីមកលោតទឹកសម្លាប់ខ្លួននៅលើស្ពានព្រែកកំពង់បាយ កាលពីវេលាម៉ោង១និង១០នាទីរសៀលថ្ងៃទី២៤ សីហា ស្ថិតនៅភូមិកំពុងបាយខាងជើង សង្កាត់កំពងបាយ ក្រុងកំពត ដោយសារខឹងនឹងឪពុកម្តាយមិនដណ្តឹងប្រពន្ធឱ្យ ។
បុរសគិតខ្លីខាងលើឈ្មោះមៀ ភារៈ ហៅល័ក្ខ អាយុ២៣ឆ្នាំ ជានិស្សិតឆ្នាំទី១ មានលំនៅភូមិថ្កូវ ឃុំឫស្សីស្រុកខាងកើត ស្រុកកំពង់ត្រាច បច្ចុប្បន្នមកស្នាក់នៅវត្តក្នុងក្រុងកំពត ដើម្បីរៀនសូត្រ ។ ការលោតទឹកប៉ងសម្លាប់ខ្លួននេះមិនបានសម្រេចទេ ដោយសារខ្លួនចេះហែលទឹក និងត្រូវបានគេជួយសង្គ្រោះទាន់ ។ តាមប្រភពព័ត៌មាននៅកន្លែងកើតហេតុឱ្យដឹងថា មូលហេតុដែលបុរសខាងលើលោតទឹកប៉ងសម្លាប់ខ្លួន ព្រោះខឹងនឹងឪពុកម្តាយមិនដណ្តឹងប្រពន្ធឱ្យ ។ ពិតជាល្ងង់ណាស់គ្រាន់តែរឿងប៉ុណ្ណឹងសោះចង់សម្លាប់ខ្លួនទៅហើយ ជាយុវវ័យកំពុងសិក្សាមិនគួរយករឿងស្នេហាមកបំផ្លាញអនាគតយ៉ាងនេះសោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ