រាជធានីភ្នំពេញ ៖ យុវជន២នាក់ជិះម៉ូតូម៉ាកឌ្រីមសេ១២៥ ឌុបគ្នាចេញពីមជ្ឈមណ្ឌលកោះពេជ្រ ក្នុងល្បឿនលឿនដល់កែងផ្លូវសុធារស ក្នុងសង្កាត់ទន្លេបាសាក់ ខណ្ឌចំការមន ក៏ជ្រុលទៅបុកគូទរថយន្តជនជាតិកូរ៉េពីក្រោយពេញទំហឹង បណ្តាលឱ្យរងរបួសធ្ងន់ត្រូវបានបញ្ជូនទៅមន្ទីរពេទ្យកាល់ម៉ែត ដើម្បីសង្គ្រោះ កាលពីវេលាម៉ោង៨យប់ថ្ងៃទី២៣ សីហា ២០១២ ។
យុវជនដែលជិះម៉ូតូបុកគូទរថយន្តម្នាក់ឈ្មោះស៊ុំ ស៊ីវ័ន្ត អាយុ១៩ឆ្នាំ ស្នាក់នៅសង្កាត់ចាក់អង្រែលើ ខណ្ឌមានជ័យ និងម្នាក់ទៀតឈ្មោះគង់ ចន្ថា អាយុ២១ឆ្នាំ ។ អ្នកទាំងពីរជិះម៉ូតូម៉ាកសេ១២៥ ពណ៌ខ្មៅ ស៊េរី២០១២ ។ បន្ទាប់ពីកើតហេតុនគរបាលមូលដ្ឋានសហការជាមួយនគរបាលក្រុងយករថយន្ត និងម៉ូតូទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ